Feijóo proclama nunha convención do PP de Ourense que "somos o partido que dá a cara" mentres "outros" teñen "moita cara". O presidente acompañou os populares ourensáns na semana en que a xuíza De Lara deu un novo paso na investigación do seu presunto financiamento irregular.
O CD Lugo empatou onte a 6 goles co Numancia, batendo un novo récord en toda a historia da Segunda División
O conselleiro de Educación pide desvincular do PP os resultados da enquisa do IGE sobre o uso do galego porque o seu partido, di, só leva "cinco anos" gobernando a Xunta. Recólleo El Correo Gallego.
O PP manteríase como primeira forza do Congreso pero perdendo uns 80 escanos e quedando a tan só 10 de Podemos, que sería segunda forza nunhas xerais con apenas medio punto menos que os conservadores, segundo unha enquisa que hoxe publica El Periódico.
O BCE publica a correspondencia entre Zapatero e Trichet en 2011, cando o daquela presidente español reclamaba a compra de débeda soberana para baixar a prima de risco e a institución comunitaria, máis recortes.
A Xunta retiraralle financiamento aos municipios que se negan a pagar a suba do canon de Sogama. Recólleo La Voz
Ada Colau e Manuel Rivas dialogan este serán sobre confluencia municipal no acto organizado pola Marea Atlántica. Pódese seguir ao vivo nesta ligazón
Vence presenta o primeiro treito da candidatura do BNG en Lugo, que encabeza Rubén Arroxo, como "ilusión fronte aos espíritos desgastados que campan pola cidade". As municipais, afirma, serán un "punto de inflexión" no que a "cidadanía rebelde vai poñer freo ás políticas de recortes do PP".
A BBC realiza un documental sobre as condicións de traballo do persoal que fabrica produtos para Apple na China e que recolle materias primas para os mesmos en Indonesia. Recolle Íñigo Sáenz de Ugarte no seu blog, Guerra Eterna.
Consuelo Madrigal será proposta polo Goberno como nova fiscal xeral do Estado, en substitución de Eduardo Torres-Dulce. É a primeira muller que accede a este cargo en España