O presidente da CEOE cre que a independencia de Catalunya "sería un enorme problema para ambas as dúas partes". Rosell móstrase comprensivo coas peticións dun pacto fiscal, pero advirte da necesidade de manter a unidade de mercado.
Fálase
O Consello de Ministros aproba a nova reforma educativa que recupera os exames de reválida para o final de cada etapa (primaria, ESO e bacharelato), elimina a selectividade, aumenta a porcentaxe de contidos decididos polo Goberno central (o 65% en Galicia) e decidese que as Universidades poderán poñer probas extras ou entrevistas persoais para a admisión. A lei tamén permitirá que os centros segregadores reciban subvencións públicas. Os sindicatos educativos xa rexeitaron a reforma á que acusan de "recentralización" e "sectarismo".
Os debates electorais serán a dous e só entre as forzas con representación parlamentaria. O luns 8 será entre Feijóo e Pachi Vázquez, o martes 9 entre Vázquez e Francisco Jorquera e o mércores 10 entre Feijóo e Jorquera.
Haberá debates electorais en Galicia. PP, PSdeG e BNG chegaron ao fin un acordo para celebrar uns debates que comezarán o luns 8. Celebraranse tamén o martes 9 e o mércores 10. Máis información, esta tarde en Praza.
O PP xa ten o seu himno rock contra a crise. A optimista canción foi elaborada polas Nuevas Generaciones de Valencia e di por exemplo: "hay gente que no piensa igual, son millones que quieren soñar, no tienen miedo y no huyen de la realidad".
O Congreso aproba cos votos de PP e UPN concederlle ao Ministerio de Defensa un crédito extraordinario de 1.800 millóns de euros para "poñerse ao día" coa industria armamentística e aboar compromisos pendentes de 2010 d 2011.
Un cento de estudantes interrompe a apertura do curso universitario en Valencia cunha protesta contra o presidente da comunidade, Alberto Fabra.
Os ex directivos de Novacaixagalicia e o banco non chegan a un acordo. Agora o banco demandaraos pola vía social co obxectivo de recuperar as millonarias indemnizacións que recibiron.
Amador Fernández Savater entrevista para El Diario cinco dos organizadores do movemento Occupy Wall Street, que posteriormente crearon o foro de debate Making Worlds.
Isaac Rosa escribe en El Diario Cataluña, no nos dejes solos, un artigo no que afirma que "me aterra una España sin Cataluña (y sin Euskadi, que en tal caso no se quedaría atrás). ¿Se lo imaginan, una España sin las variaciones vasca y catalana, una España reconcentrada en su castellanidad?". E conclúe que "de esta España somos muchos los que queremos salir, sin tener la posibilidad de independizarnos".