Minutos antes do comezo do Deportivo-Sporting xogado esta mañá en Riazor, un grupo de persoas pendurou unha gran faixa reivindicativa do dereito ao aborto, que foi retirada pouco despois polos axentes de seguridade privada do estadio.
![](https://praza.gal/media/cache/live_image/xornal/uploads/falase/foto/5300d1a240780-1795528_10151865034560938_1064211254_n.jpg)
Minutos antes do comezo do Deportivo-Sporting xogado esta mañá en Riazor, un grupo de persoas pendurou unha gran faixa reivindicativa do dereito ao aborto, que foi retirada pouco despois polos axentes de seguridade privada do estadio.
O Dépor empatou ante o Sporting de Xixón (1-1), grazas a un gol de Toché no minuto 94, nun córner que mesmo subiu a rematar o porteiro Fabricio. Coruñeses e sportinguistas seguen segundos e terceiros na clasificación da Liga Adelante. Antes do partido, enfrontamentos entre os Riazor Blues e os Ultra Boys saldáronse cun ferido e catro detidos.
Científicos de EEUU anunciaron esta semana que, por primeira vez, lograran obter máis enerxía que a investida nun proceso de fusión nuclear. Un avance moi importante, pero como destaca Materia, quedan aínda décadas de investigación por diante para o dominio deste proceso e o seu uso regular como xerador de enerxía.
Boa xornada para os equipos galegos da OK Liga de Hoquei. O Coinasa Liceo derrotou 7-1 ao Tordera e o Cerceda 3-2 ao Lloret. Os coruñeses son segundos na clasificación, pero lonxe do Barcelona; o Cerceda ocupa o noveno posto.
Dúas vitorias e unha derrota para os equipos galegos da primeira división de fútbol sala. O Santiago Futsal derrotou o Jumilla (5-3) e o Burela Pescados Rubén o Zaragoza (7-5). Pola contra, o Azkar Lugo caeu ante o Xota Navarra (9-5).
Nicolás Maduro lanza un Plan de Pacificación mentres en Venezuela continúan as protestas, pacíficas e sen feridos, pero cun cento de detidos.
Comuneiros mapuches e pescadores artesanais levan días protagonizando protestas en Chile contra o Goberno, con cortes de estradas e un total de 23 detidos.
Mariano Rajoy prepara un axuste de Goberno para o 25 ou 26 de febreiro, coincidindo co debate do estado da nación, con escasos cambios, segundo publica El Diario. Dáse por feita a marcha de Arias Cañete, e Wert ou De Guindos tamén poderían ser substituídos.
El Diario destaca que a chegada a Euskadi da Comisión Internacional de Verificación fai pensar nun inminente comunicado de ETA sobre o seu desarme
El Diario afonda nunha reportaxe na pobreza enerxética, a situación de millóns de persoas que en España non se poden permitir, por exemplo, acender a calefacción polo seu elevado custe, o 18% da poboación segundo o INE. Este domingo Salvados tratará tamén a cuestión e entrevistará o presidente da patronal das compañías eléctricas.