#debateautonomía Comisións Obreiras censura a desaparición do Consello Económico e Social e asegura que as entidades representadas neste organismo non foron avisadas de que Feijóo o anunciaría no debate de política xeral
Fálase
Nuns minutos ofrecémosvos en Praza a primeira crónica do debate de política xeral #debateautonomía
O diario La Información publica unha nova cos cinco grandes cambios a ter en conta para a declaración da Renda deste ano. A recuperación de Patrimonio ou a suba do IRPF son algunhas das novidades. Enlace á nova
#debateautonomía Feijoo dedícalle apenas uns segundos á Cidade da Cultura, culpa a ZP da fin das primas ao eólico e insiste en que o actual concurso "continuará". Sobre as participación preferentes das caixas, limítase a dicir que remitiu unha carta ao Goberno central para procurar solucións. En referencia ao Caso Campeón, o presidente da Xunta afirma que "hai sucesos nos tres partidos que nunca se deberon producir", e fala de actitudes "reprobables"
O Wall Street Journal publica unha nova na que asegura que España asume o novo mandato de Bruxelas, en base ao cal o recorte debe ser de 5.000 millóns de euros máis do inicialmente estimado por Mariano Rajoy. O obxectivo de déficit pasa do 5,8 ao 5,3%.
Feijoo comeza o Debate sobre o estado da Autonomía situándose como referencia no Estado por "anticiparse" na "austeridade" e anuncia a supresión dos vicevaledores do pobo, do Tribunal da Competencia e do Consello Económico e Social. Afirma, ademais, que a plataforma loxística do Sergas, criticada polos profesionais por ter xestión privada, aforrará 20 millóns de euros e promete aprobar a Lei de Espera Máxima no Sergas, incluída no seu programa electoral. Podedes seguir o debate en twitter no hashtag #debateautonomía
A estratexia ultraconservadora de Nicolás Sarkozy parece que está dando resultado. Por primeira vez supera ao candidato socialista, François Hollande, na enquisa que publica o diario Le Monde. A foto é do diario galo
O Banco Internacional de Pagos (BIS, nas súas siglas en inglés, Bank of International Settlements) vén de publicar un estudo que cifra en 120.000 a fuga de depósitos española e italiana a 31 de decembro de 2011. Un dato grave que afecta de maneira severa a ambos os dous países en contraposición cunha situación máis sostida no resto da banca europea
Microsiervos publica unha nota para os supersticiosos sobre Carlos Adán, concursante que batiu os récords de permanencia en Cifras y Letras e en Pasapalabra e que en ambos os dous foi eliminado en programas que se emitiron en martes e 13.
Estados Unidos baralla acelerar a saída das súas tropas de Afganistán, despois das noticias da matanza realizada esta fin de semana por un sarxento, que asasinou casa por casa 16 persoas. Cóntao o New York Times.