A débeda pública española alcanza un novo máximo ao sumar o 72,1% do PIB. A débeda do conxunto das administracións públicas medrou un 5,4% no primeiro trimestre do ano, alcanzando os case 775.000 millóns.
Fálase
Os bancos centrais preparan unha forte inxección de liquidez ao sistema co obxectivo de estabilizar os mercados financeiros no caso de que o resultado das eleccións gregas dispare as tensións.
Linus Torvalds, creador do núcleo de Linux, recibiu onte en Helsinki o Premio Millennium de Tecnoloxía (o nóbel de Tecnoloxía), que compartiu co investigador xaponés Shinya Yamanaka.
Vilamor estréase este sábado 16 en Santiago de Compostela, finalizando a xeira de estreas nas cidades e vilas galegas. En agosto o filme competirá no Festival de Cine Internacional de Nova York
PNV, PSE e PP poderían presentar unha moción de censura individual contra o responsable de Medio Ambiente do goberno foral de Guipúscoa, que paralizou a instalación dunha incineradora.
As matrículas nos másteres custarán entre 200 e 300 euros máis en Galicia o vindeiro curso.
Faro de Vigo informa de que o proxecto da autoestrada do mar de Vigo está no aire. Francia condiciona a subvención ao servizo marítimo a que a filial de transportes de PSA Peugeot Citroën, Gefco, participe no proxecto durante un mínimo de sete anos. Unha dificultade máis que podería abortar o proxecto.
Crise no Goberno de Navarra. A presidenta, Yolanda Barcina (UPN) destitúe o vicepresidente socialista, e en resposta dimiten os outros dous conselleiros do PSN. A crise iniciouse a pasada semana cando UPN anunciou un novo recorte de 132 millóns, sen o apoio dos socialistas.
A prensa internacional debate se a decisión do Tribunal Constitucional exipcio de disolver o Parlamento (con maioría dos Irmáns Musulmáns) e volver concentrar o poder no exército constitúe un golpe de Estado
Antolín Alcántara, secretario confederal de Negociación Colectiva da CIG, condenado a un ano de prisión por desordes públicas no xuízo polos sucesos da folga do metal de 2007. A sentenza absólveo do delicto de danos, e absolve a Víctor García de todos os cargos. A CIG rexeita a decisión e reitera que se trata "dun proceso político que persegue criminalizar o sindicalismo combativo"