Novembro comezou con cifras récord de violencia machista en Galicia. Pouco despois de que milleiros de voces se unisen na marcha estatal contra todas as agresións de xénero, os asasinatos seguiron a golpear. Este 25 de novembro unha manchea de actos lembrarán as mulleres asasinadas, esixirán solucións políticas e condenarán as actitudes machistas que, como veñen lembrando colectivos de vítimas e movementos feministas, van moi alén dos golpes e, ao cabo, matan. E fronte á morte, a sociedade tínguese de loito.
A capital galega tínguese de negro contra a violencia machista
Nalgúns lugares, como Compostela, o lila da loita feminista mesturarase con ese loito polos asasinatos como xeito de condena e, ao tempo, de chamada á reflexión sobre as causas profundas da violencia. Ese mesmo loito é o que, por exemplo, anima a empregar nesta xornada a revista feminista Píkara Magazine.
Os xulgados de violencia de xénero de Vigo, colapsados por falta de medios
As mobilizacións serán xestos de solidariedade, pero tamén de denuncia. Entre elas figurará a do persoal que traballa en primeira liña dunha das frontes de loita contra o maltrato machista, o xudicial. Moitas vítimas, alerta o persoal dos xulgados especializados en violencia de xénero, chegan "con medo", asustadas pola posibilidade de que a Administración de Xustiza non sexa quen de "estar á altura" do que están a sufrir.
Textos de denuncias reais amosan en Pontevedra "o inferno" da violencia machista
Antes de pasar polo xulgado, as máis das veces as mulleres que deciden interpoñer unha denuncia contra o home que as está a maltratar teñen que pasar pola Comisaría ou por outra dependencia policial. Alí as vítimas describen un verdadeiro "inferno", o mesmo que queda reflectido nos textos das denuncias que este 25 de novembro ilustran a campaña institucional do Concello de Pontevedra.
"Non hai interese real en acabar coa violencia de xénero"
A denuncia, advirten organizacións como a Rede de Mulleres Contra os Malos Tratos de Vigo, non é o punto final da espiral da violencia. Despois ven todo un percorrido no que as mulleres que a sofren precisan un apoio que non sempre atopan. "Fálase moito, sácanse leis, prométense moitas cousas, pero a realidade é que as mulleres contan con moi poucos recursos. Son parches, nada máis que parches que non serven para nada", afirman.
Vídeos contra a violencia machista
Os actos programados en torno ao 25 de novembro teñen moito de mobilización, pero tamén de reflexión e creatividade para atopar novos xeitos de atallar as condutas machistas. Neste ámbito traballaron dúas institucións públicas, a Deputación da Coruña e o Concello de Santiago, que con senllas montaxes audiovisuais procuran que toda a sociedade lle faga fronte ao machismo.
O 25N, en imaxes
-
A Universidade de Vigo inaugurou as xornadas 'Xénero, masculinidades e transculturalidade. É a sexualidade unha ideoloxía?' no campus de Ourense -
O vicepresidente da Xunta, Alfonso Rueda, e os reitores das tres universidades asistiron á inauguración do 'Programa de Concienciación e prevención da violencia de xénero' que a Secretaría Xeral da Igualdade porá en marcha nos sete campus galegos. -
Marcha contra a violencia de xénero, organizada por estudantado de Educación Social -
Marcha contra a violencia de xénero, organizada por estudantado de Educación Social -
Marcha contra a violencia de xénero, organizada por estudantado de Educación Social -
Cadea humana e concentración organizada en Ribadeo -
Presentación de “Convidados de pedra”, curtometraxe gañadora do I Concurso de Guións contra a violencia de xénero da Deputación da Coruña -
Marcha contra a violencia de xénero, organizada por estudantado de Educación Social -
A Coruña acolleu a xornada "As boas prácticas na prevención das violencias machistas: coñecer e educar na igualdade" -
Concentración da CIG contra a violencia machista na Coruña -
Acto institucional do Concello de Santiago contra a violencia machista -
278 establecementos comerciais composteláns uníronse á iniciativa 'Compostela en negro' -
As xogadoras do Santiago Futsal A Gaiola, da liga de fútbol sala provincial da Coruña, coas camisolas Contra a Violencia -
Os xogadores do Dépor uníronse á iniciativa da Concellería de Igualdade e Diversidade contra as violencias machistas -
Concentración de CC.OO. e UGT contra as violencias machistas -
Acto institucional do Concello de Vigo contra a violencia machista -
Dous mil estudantes conformaron un tapiz humano contra a violencia machista en Vigo -
Acto do Concello de Ourense contra a violencia machista -
Acto contra a violencia machista en Pontevedra -
Acto contra a violencia machista en Lugo -
Acción de protesta contra Baltar no Parlamento -
Acción de protesta contra Baltar no Parlamento -
Acción simbólica en Vigo contra a violencia machista -
Acción simbólica en Vigo contra a violencia machista