Coa dimisión do alcalde compostelán polas súas débedas con Facenda péchanse quince días dun espectáculo que pouco axudou á imaxe da cidade. No especial dedicado a este tema podedes seguir a evolución dos acontecementos, dende a prohibición de que Leo Bassi actuase no Teatro Principal, as revelacións sobre o fraude cometido por Conde Roa ou o acto convocado polo cómico italiano no Obradoiro, que podedes ver neste vídeo.
Ángel Currás toma o bastón de mando da capital galega asegurando que cambia "o capitán" pero non "a nave", aínda que cos retos de apaciguar a alterada vida municipal compostelá e de lograr o apoio de todo o seu propio equipo
O popular marcha porque Compostela "non merece un alcalde" na súa situación e sen que Feijóo llo pedise, asegura. Ángel Currás imponse na pugna interna pola sucesión.
Chévere representou esta fin de semana o primeiro dos seus espectáctulos na súa nova 'casa' en Teo. Estiveron moi presentes os grandes temas da actualidade: o affaire do alcalde compostelán, o accidente do Rei en Botsuana ou os debate internos no nacionalismo. Audio no interior.
O alcalde de Santiago abandona presionado polo PPdeG e logo de manter unha reunión de urxencia co presidente Feijóo. Decide deixar o cargo horas antes da decisión do xuíz que case con total seguridade decidirá imputalo por presunta fraude fiscal.
O alcalde de Santiago, imputado por unha presunta fraude fiscal, amósase "tranquilo" e confía en que se arquive a causa contra el. O presidente da Xunta asegura que será "coherente e consecuente" coa Xustiza e cos estatutos do PP mentres PSdeG e BNG esixen a dimisión inmediata do rexedor compostelán.
Leo Bassi, enfundado en traxe tradicional e ao son das gaitas, homenaxeou hoxe a Prisciliano e cargou contra “a censura” nun acto na Praza do Obradoiro que tiña que culminar na Sala de Prensa do Concello , convidado polo BNG local. Non obstante, as portas da sala estaban pechadas. “Outra censura”, sorprendeuse o artista, que hoxe ofrecerá na Facultade de Comunicación o espectáculo que foi suspendido no Teatro Principal.
A substitución do alcalde de Santiago pola súa 'número dous', Paula Prado, motivaría que a nova alcaldesa, deputada pola Coruña, tivese que deixar o Parlamento, onde a lista do PP está esgotada e habería que darlle entrada a suplentes de difícil colocación na Cámara. PSdeG e BNG reiteran a necesidade de que o rexedor compostelán deixe o cargo tras admitir as súas débedas con Facenda.
O alcalde de Santiago resístese a dimitir malia admitir que destinou 291.000 euros que tería que ter pagado a Facenda a abonar pagamentos pendentes da súa promotora inmobiliaria con bancos e provedores. O popular xa "falou" con Feijóo e asegura que o PP está "tranquilo" coa súa situación porque "non hai fraude nin delito".
Em junho de 2010 a Associaçom Cultural A Gentalha do Pichel foi sancionada com umha multa de 1500€ por colocar umha faixa na praça na qual se celebrava a cacharela. Nela podia-se ler "na Galiza só em galego" Esta multa de 1500 € por "ocupaçom indevida da via pública" está imposta polo anterior bipartido e executada polo presente governo municipal. Neste 9 de abril terá lugar o julgamento contra a associação, que propôs que este dia fosse declarado Dia do Asociacionismo Cultural. Falamos con Maca Igrejas.