A Xunta mantén que dedica o 78% do seu orzamento a gasto social, pero segundo o Ministerio é pouco máis do 60%. Galicia é a autonomía na que menos sobe o investimento educativo e é a penúltima nas subas en sanidade e servizos sociais.
A Xunta segue evitando publicar os salarios de todo o seu persoal asesor aínda que é obrigatorio dende o ano 2006. O PSdeG introduce unha emenda nos Orzamentos de 2015 para tentar conseguir os datos e AGE insta a publicar tamén os salarios do Consello de Administración da CRTVG, igualmente descoñecidos.
O Goberno galego permite que as empresas adxudicatarias do vial entre Carballo e Berdoias constrúan só 25 dos 42 quilómetros previstos pero non lles rescinde o contrato. O BNG anuncia que levará á Fiscalía esta operación, incluída nos Orzamentos Xerais para 2015.
A pesar das leves subas rexistradas nos dous últimos anos, o investimento en I+D+i nas contas públicas galegas é hoxe un 15,5% inferior ao de 2009. Seis anos perdidos e en regresión.
O Goberno galego inclúe nos Orzamentos de 2015 unha ampliación do prazo para que as compañías que obtiveron as licenzas de televisión privada local e autonómica cumpran os seus compromisos de investimento, programación e emprego. Das dúas autonómicas unha pechou e outra emite por baixo dos compromisos, das locais só están operativas 8 das 48 concedidas.
O orzamento cultural da Xunta acumula un descenso do 60% dende o 2009. Neste tempo o sector perdeu en Galicia ao redor dun terzo dos seus traballadores e traballadoras, nunha crise que afecta a todos os ámbitos, dende o libro ás artes escénicas.
O Goberno inclúe na lei de acompañamento das contas para 2015 unha reforma da normativa de xogo e apostas para que os novos casinos teñan a consideración de "sala adicional" dos xa existentes. O Executivo abre así a porta á apertura dunha destas instalacións en Vigo, que o casino da Toxa reclama dende hai anos.
Os Orzamentos de Sanidade para 2015 contemplan 624.000 euros para os salarios dos cregos, que saen do programa de atención especializada. O número de sacerdotes nos hospitais está rexido por un convenio asinado en 1995, cando Feijóo dirixía o Sergas, e prorrogado polo bipartito.
As partidas lingüísticas e culturais do Goberno galego pasaron de superar os 150 millóns de euros en 2009 a ficar por baixo dos 65 no vindeiro 2015. A promoción do idioma perdeu o 70% dos seus fondos co actual Executivo, que volve salvar dos recortes a Fundación Cela, rescatada en 2012.
O departamento sanitario do Goberno galego perde uns 4 millóns de euros nas contas públicas de 2015, que soben un chisco os fondos para servizos sociais pero volven reducilos para normalización lingüística e cultura. Os cartos da débeda redúcense levemente, pero aínda pesan máis que a maioría das consellerías.
A Xunta mantén que o PIB vai medrar ao 2% en 2015, na liña dos prognósticos máis optimistas para o Estado, e teima en que bate récords de investimento social aínda que as cifras oficiais din o contrario.
O presuposto da Xunta increméntase en 45 millóns con respeto ao do actual exercicio e sitúase en 8.436 millóns. As contas danlle ulo a infraestruturas que levaban tempo paradas, como a autovía da Costa da Morte.