Os casos de coronavirus vinculados a centros educativos sitúanse en 1.062, 44 menos que hai un día, con 52 aulas pechadas
Os casos de coronavirus vinculados aos centros educativos galegos sitúanse en 1.062, segundo os datos facilitados este sábado pola Consellería de Sanidade. Son 44 menos que os notificados hai un día, aínda que o número de aulas pechadas sobe ata as 52 logo de anunciarse unha nova clausura.
Os únicos dous centros pechados en Galicia por mor da COVID en Galicia son as escola infantil da Barcala, en Cambre, debido a un caso detecado, ademais doutro centro infantil, A Xirandola en Santiago, que leva xa unha semana sen actividade por outra infección.
De entre todos os centros educativos, o CEIP Fogar de Carballo segue a ser o máis afectado, con 14 positivos que, aínda así, son seis menos que os que tiña na xornada anterior.
En canto ás zonas más afectadas, coinciden coas máis poboadas de Galicia. Na área de Vigo o número de contaxios vinculados a centros educativos é de 300, tras caer en 17 nunha xornada. Ademais, hai seis aulas en cuarentena.
Os centros máis afectados, con cadanseus oito casos, son o IES Pino Manso, do Porriño, e Las Acacias Montecastelo e Plurilingüe Mariano, ambos na urbe viguesa
Na Coruña, segunda área sanitaria máis afectada, os casos baixan de 250 a 238 e hai clausuradas un total de 15 aulas, dúas menos que a xornada anterior.
