A serie Rapa e as longametraxes O corno e Matria son as producións con máis candidaturas finalistas na XXII edición dos Premios Mestre Mateo, que organiza a Academia Galega do Audiovisual. Os filmes Salta e Fatum suman 9 e 5 candidaturas respectivamente. Os e as finalistas anunciáronse este mércores pola tarde nun acto celebrado no museo MEGA da Coruña e presentado por Lucía Veiga e Denís Gómez. As premiadas e premiados daranse a coñecer na gala de entrega de premios que se celebrará o sábado 23 de marzo no Coliseum da cidade herculina.

As premiadas e premiados daranse a coñecer na gala de entrega de premios que se celebrará o sábado 23 de marzo no Coliseum da Coruña

'Rapa' (Portocabo) compite na categoría de mellor serie de televisión con outra serie da mesma produtora, ‘Os argonautas e a moeda de ouro’, con ‘Motel Valkirias’ de CTV e ‘Saudade de ti’ de Voz Audiovisual. En canto á categoría de mellor longametraxe, as finalistas son ‘O corno’, ‘Matria’, ‘¡Salta! e ‘Fatum’ e os seus directores e directoras -Jaione Camborda, Álvaro Gago, Olga Osorio e Juan Galiñanes- compiten tamén polo premio á Mellor Dirección. Os nomes dos tres primeiros volven aparecer como finalistas polos guións dos filmes, no caso de Olga Osorio xunto con Araceli Gonda; O traballo de Pepe Coira e Fran Araújo en ‘Rapa’ completa as candidaturas. 

Na categoría de mellor longametraxe, as finalistas son ‘O corno’, ‘Matria’, ‘¡Salta! e ‘Fatum’ e os seus directores e directoras -Jaione Camborda, Álvaro Gago, Olga Osorio e Juan Galiñanes- compiten tamén polo premio á Mellor Dirección

‘Rapa’ tamén coloca a seis dos seus intérpretes como finalistas nas categorías de interpretación: Iolanda Muíños, Melania Cruz e Federico Pérez Rey en papeis de reparto e Mónica López, Javier Cámara e Darío Loureiro nos papeis protagonistas. Pola súa banda, ‘Matria’ obtén catro candidaturas: para a súa actriz protagonista, María Vázquez, e para Susana Sampedro, como actriz de reparto, así como para Eduardo Rodríguez Cunha “Tatán” e Santi Prego como actores de reparto. 

‘O corno’ conta con tres finalistas de interpretación: Carla Rivas e Diego Anido en papeis de reparto e Janet Novás como protagonista. Completan o listado o gañador do Mestre Mateo á Mellor interpretación masculina protagonista en 2023, Tamar Novas, polo seu papel en ‘¡Salta!’ e Luis Tosar, polo seu traballo en ‘Fatum’.

Outras producións

Nove curtametraxes, cinco de imaxe real e catro de animación, foron seleccionadas como finalistas. ‘Antes de que se poña o sol’, ‘Nena’, ‘O coidado’, ‘O neno sardiña’ e ‘Ulises’ competirán polo trofeo que as acredite como Mellor curtametraxe de imaxe real. Pola súa banda, ‘Illa cordura’, ‘In half’, ‘O monstro e a nena’ e ‘To bird or not to bird’ competirán polo Mestre Mateo á Mellor curtametraxe de animación. 

As candidatas a seren recoñecidas como Mellor documental son ‘A viaxe de Lucy’, ‘Chichi e máis eu’, ‘Emoción, vida y teatro-A nave das Marías’ e ‘Os espazos en branco’. 

Completan as candidaturas desta vixésimo segunda edición dos premios, as finalistas nas categorías de Mellor serie web e Mellor videoclip. Na categoría de serie web compiten dous traballos de ficción, ‘A arte de ser mal pai’ e ‘Terapia de’, un de animación, ‘Bechos’, e un documental, ‘Nosoutras, as mulleres da revista Nós’. As candidatas a mellor videoclip son: ‘A pequena morte’ de Caamaño & Ameixeiras, ‘Fai tempo’ de The Rapants, ‘Oliveira dos cen anos’ de C. Tangana e ‘Ruando Crónicas d’Ardén-cap 2’ de Mondra. 

MELLOR ANUNCIO PUBLICITARIO

• ARDE LVCVS MMXXIII MBC Servicios Audiovisuales, SL
• CHAMA A MIÑA NETA Recados Carmen para Balidea e Universidade de Vigo
• GRACIAS Metronoventa Creatividade e Produción Publicitaria, SL
• HEATHER SMALL-LAS ESTRELLAS DEL CAMINO Kaito Estudios, SL

MELLOR CURTAMETRAXE

• ANTES DE QUE SE POÑA O SOL Nani Matos
• NENA Undodez e Mordisco Films
• O COIDADO Miguel Canalejo
• O NENO SARDIÑA Cósmica Producións
• ULISES Gaitafilmes

MELLOR CURTAMETRAXE DE ANIMACIÓN

• ILLA CORDURA Mario Fernández Filloy
• IN HALF Jorge Morais
• O MONSTRO E A NENA Jorge J Costas
• TO BIRD OR NOT TO BIRD Abano Producións, SL, Uniko Estudio Creativo, SL

MELLOR DOCUMENTAL

• A VIAXE DE LUCY Somadrome Films, TVE, TVG, Curiosity Stream
• CHICHI E MÁIS EU Ollovivo
• EMOCIÓN, VIDA Y TEATRO-A NAVE DAS MARÍAS Ecos do Sur ONG
• OS ESPAZOS EN BRANCO Seara Films coa colaboración de TVG, Xunta de Galicia, Cultura da Deputación de A Coruña e Fundación Uxío Novoveyra

MELLOR LONGAMETRAXE

• FATUM Vaca Films, Playtime
• MATRIA Daniel Froiz, María Zamora, Mireia Graell, Stefann Shmitz, Matriuska Producciones, SL
• O CORNO Esnatu Zinema, Miramemira, Elástica Films, Bando á Parte, Bulletproof Cupid
• ¡SALTA! Quien a hierro mata AIE, Vaca Films Studio, SLU

MELLOR PROGRAMA

• CINEPHILIA 172-213, Noveolas Producciones, Telemiño
• CLAC 76-104, Televisión de Galicia
• COS PÉS NA TERRA 166-168, FilmaxProducións A Fonsagrada, SL
• O GRAN CAMIÑO GRANDES RUTAS A PÉ DO MUNDO 5-8, Meteórica Cine, Alba Prol e Rául García

MELLOR SERIE DE TV

• MOTEL VALKIRIAS 1-8, CTV, SA e SPI, SA en colaboración con TVG e RTP
• OS ARGONAUTAS E A MOEDA DE OURO 1-10, Portocabo e RTVE en colaboración coa Xunta de Galicia-Agadic
• RAPA 1-6, da tempada 2, unha produción de Portocabo para Movistar Plus + coa colaboración da Xunta de Galicia-Agadic
• SAUDADE DE TI 61-120, Voz Audiovisual e Televisión de Galicia

MELLOR SERIE WEB

• A ARTE DE SER MAL PAI 1-3, Miraveo
• BECHOS 1-10, Undodez para a Televisión de Galicia
• NOSOUTRAS, AS MULLERES DA REVISTA NÓS 1-3, Nós Televisión co patrocinio da Deputación de Ourense
• TERAPIA DE 15-17, Kraken Media, SL
   

MELLOR VIDEOCLIP

• A PEQUENA MORTE CAAMAÑO & AMEIXEIRAS David Silva e Melania Freire
• FAI TEMPO THE RAPANTS Undodez e Anxo Beiro
• OLIVEIRA DOS CEN ANOS CTANGANA RC Celta e Little Spain
• RUANDO CRONICAS D'ARDÉN-CAP 2, MONDRA Mondra

MELLOR COMUNICADOR/A

• JUAN FUENTES Quen Anda aí?, 599-807
• LUCÍA VEIGA Malicia Noticias, 546-563
• PACO LODEIRO Atrápame se podes, 376-620
• SIMONE SAIBENE Cinephilia, 172-213

MELLOR DIRECCIÓN

• ÁLVARO GAGO Matria
• JAIONE CAMBORDA O Corno
• JUAN GALIÑANES Fatum
• OLGA OSORIO ¡Salta!
   

MELLOR DIRECCIÓN DE ARTE

• ALEXANDRA FERNÁNDEZ ¡Salta!
• ÁNGEL AMARO, SIMÓN CANOSA Motel Valkirias, 1-8
• INÉS RODRÍGUEZ Rapa, 1-6 da tempada 2
• MELANIA FREIRE O Corno

MELLOR DIRECCIÓN DE FOTOGRAFÍA

• JAIME PÉREZ Rapa, 1-6 da tempada 2
• LUCÍA C PAN Matria
• MAURO HERCE Sica
• RUI POÇAS AIP, ABC O Corno

MELLOR DIRECCIÓN DE PRODUCIÓN

• ANA MÍGUEZ Rapa, 1-6 da tempada 2
• JAVI LOPA Amigos hasta la muerte
• JOSÉ ALBERTO FUENTES O Corno
• NATI JUNCAL Matria

MELLOR GUIÓN

• ÁLVARO GAGO Matria
• FRAN ARAÚJO, PEPE COIRA Rapa, 1-6 da tempada 2
• JAIONE CAMBORDA O Corno
• OLGA OSORIO, ARACELI GONDA ¡Salta!

MELLOR INTERPRETACIÓN FEMININA DE REPARTO

• CARLA RIVAS O Corno
• IOLANDA MUIÑOS Rapa, 1-6 da tempada 2
• MELANIA CRUZ Rapa, 1-6 da tempada 2
• SUSANA SAMPEDRO Matria

MELLOR INTEPRETACIÓN FEMININA PROTAGONISTA

• JANET NOVÁS O Corno
• LIDIA VEIGA Canto toco un animal
• MARÍA VÁZQUEZ Matria
• MÓNICA LÓPEZ Rapa, 1-6 da tempada 2

MELLOR INTERPRETACIÓN MASCULINA DE REPARTO

• DIEGO ANIDO O Corno
• EDUARDO ALBERTO RODRÍGUEZ CUNHA "TATÁN" Matria
• FEDERICO PÉREZ REY Rapa, 1-6 da tempada 2
• SANTI PREGO Matria

MELLOR INTERPRETACIÓN MASCULINA PROTAGONISTA

• DARÍO LOUREIRO Rapa, 1-6 de tempada 2
• JAVIER CÁMARA Rapa, 1-6 de tempada 2
• LUIS TOSAR Fatum
• TAMAR NOVAS ¡Salta!

MELLOR MAQUILLAXE E PERRUQUERÍA

• BÁRBARA BROUKE, LORENA CALVO E SILVIA NEIRA O Corno
• FANY BELLO, GEMMA MÁRQUEZ Rapa, 1-6 da tempada 2
• SONIA GARCÍA Matria
• SUSANA VEIRA, BEATRIZ ANTELO, ANTONIO NARANJO ¡Salta!

MELLOR MONTAXE

• CRISTÓBAL FERNÁNDEZ O Corno
• GASPAR BROULLÓN, JULIA JUANATEY, LUCIA IGLESIAS Rapa, 1-6 da tempada 2
• LU RODRÍGUEZ Fatum
• RICARDO SARAIVA Matria

MELLOR MÚSICA ORIXINAL 

• CAMILO SANABRIA O Corno
• MANUEL RIVEIRO ¡Salta!
• SANTI JUL, IVÁN LAXE Os Argonautas e A Moeda de Ouro, 1-10
• XAVI FONT Rapa, 1-6 da tempada 2

MELLOR REALIZACIÓN

• ALBA PROL, RÁUL GARCÍA, JAIRO IGLESIAS The Great Way Hiking Trails of the World- O Gran Camiño Grandes Rutas a Pé do Mundo, 5-8
• GERARDO RODRÍGUEZ Malicia Noticias, 546-563
• NATALIA LÓPEZ REY Clac, 76-104
• SIMONE SAIBENE Cinephilia, 172-213

MELLOR SON

• CARLOS MOURIÑO, DAVID MACHADO, JAVIER PATO ¡Salta!
• JUAN GAY, DIEGO STAUB Rapa, 1-6 da tempada 2
• SERGIO SILVA, DAVID MACHADO O Corno
• XAVIER SOUTO, DIETO STAUB Matria
   

MELLOR VESTIARIO

• ALICIA DAPENA, LOLA DAPENA Rapa, 1-6 da tempada 2
• ANA LÓPEZ ¡Salta!
• MARÍA PORTO ROMERO Fatum
• UXÍA VAELLO O Corno