- 🟪🟧🟦 EN VINTE | 🔊PODCAST - Vinte de Foliada, a tradición é agora
Ven e Baila é unha iniciativa de fomento do baile tradicional que nesta edición do Culturgal repite na programación, cunha convocatoria aberta de baile popular, un espectáculo de Fran Sieira e unha conversa ao redor da danza
Na pasada edición do Culturgal, o Ven e Baila foi un dos eventos máis destacados e que atraeu máis a atención dos asistentes, xuntando máis dun milleiro de participantes nesta iniciativa colectiva de fomento do baile tradicional. O proxecto coordinado polo bailador Artur Puga é “unha chamada colectiva a disfrutar e reivindicar o baile tradicional galego”, segundo destacou. É dicir, en esencia, unha "quedada para bailar e divertirse".
Entre as actividades previstas para esta edición atópase unha convocatoria aberta de baile popular, que se celebrará o domingo 30 ás 13:30 horas no Pazo da Cultura de Pontevedra. Calquera persoa, teña experiencia previa ou non, pode achegarse para aprender, compartir e gozar do baile tradicional e popular galego.
Tamén como programación do Ven e baila, o artista Fran Sieira presentará coa súa compañía de danza o espectáculo Un baile ceibe (domingo 30 ás 13:00 horas). A mañá rematará (ás 14.15 horas) cunha conversa arredor da danza con representantes do sector como o propio Fran Sieira, a artista Aida Tarrío, a cineasta Lucía Estévez e o colectivo Vacaburra.
O proxecto coordinado polo bailador Artur Puga é “unha chamada colectiva a gozar e reivindicar o baile tradicional galego”. Ademais, nesta edición presentarase As Pegadas do Baile, un proxecto pioneiro que busca ensinarlle á xente os pasos básicos do baile galego, nunha iniciativa da que son embaixadoras as Tanxugueiras
A organización da iniciativa remitiu unha convocatoria a preto de 260 asociacións culturais de todo o país co obxectivo de facer destas actividades unha "celebración de referencia" para todo o sector da cultura tradicional
Pero, ademais, nesta edición presentarase As Pegadas do Baile, un proxecto pioneiro que busca ensinarlle á xente os pasos básicos do baile galego e que segue o mesmo espírito do Ven e Baila de "dar resposta ao interese da xente máis nova, que reivindica a música tradicional e o baile, con esta actividade comunitaria para pasalo ben e perder o medo a bailar”, como explicou Camilo Franco na presentación da programación.
Cunhas pegadas no chan calquera persoa poderá aprender estes pasos básicos do baile tradicional, nunha iniciativa da que son embaixadoras as Tanxugueiras, como amosa este vídeo, no que destacan que "todo o mundo poderá achegarse ao noso baile tradicional a través do xogo e dun mapa interactivo".
"Todo o mundo poderá achegarse ao noso baile tradicional a través do xogo e dun mapa interactivo", destacan
A montaxe estará dispoñible durante todos os días da celebración do Culturgal cunha persoa dinamizadora do proxecto para que todas as persoas que visiten a feira poidan gozar desta experiencia.
"Encantaríame despois poder levar o proxecto polos concellos de Galicia, polos centros educativos, e por todos aqueles lugares que estean interesados, como os centros galegos; que todo o mundo teña nun ‘cachiño’ de chan do seu pobo estes pasos para poder aprender os pasos básicos do baile”, destacou Artur Puga na presentación.
