José María Arias Mosquera e Jorge Gost, até o de agora máximos responsables de Banco Pastor, deixan de ter funcións executivas. O novo director xeral da entidade é José Manuel Hevia Fernández. Arias e Gost son xa presidente e vicepresidente do consello de administración, respectivamente, sen facultades para a xestión
Unha base estadounidense de avións non tripulados en Trasmiras? Semella que o exército dos EUA está a optar pola localidade ourensá. En El Confidencial Digital
A Xunta vén de responder unha pregunta parlamentaria presentada por Anxo Quintana, que non é deputado dende o pasado verán.
Conta La Información que "o emprego fixo existe": Jordi Hurtado cumpre 15 anos en 'Saber y ganar'
O presidente alemán, Christian Wulff, está a piques de dimitir por recibir trato de privilexio na concesión de fondos para adquirir a súa vivenda. En Alemaña, a lei impide os políticos recibir agasallos vinculados ao seu cargo. En La Información
O PSdeG celebrou nas últimas horas varias asembleas previas ao seu Congreso Nacional. En Vigo, os militantes rexeitaron o informe de xestión do secretario xeral, Pachi Vázquez. En Lugo, José Blanco subliñou que non entra nos seus plans optar á candidatura á Xunta.
Hoxe cúmprese un ano da prohibición de que TV3 emita na Comunidade Valenciá. Este sábado haberá unha manifestación en Castelló reivindicando a restitución do sinal #sensesenyal
O vicesecretario de comunicación do PP, Esteban González-Pons, tenta zanxar a polémica sobre a definición do partido asegurando que "o apelativo 'cristiano' non ten connotacións relixiosas". Recólleo Público
Le Monde publica unha entrevista con Artur Mas na que o presidente da Generalitat salienta que "Catalunya podería ser perfectamente un Estado dentro da Unión Europea"
O sindicato portugués CGTP vén de convocar unha folga xeral para o próximo 22 de marzo. Máis de 300.000 persoas saíron á rúa a pasada fin de semana no país veciño contra os recortes e a excesiva austeridade, que xa provocaron a destrución de máis de 100.000 postos de traballo. A CIG tamén chamará aos galegos a unha folga xeral na última semana se marzo