ÚLTIMA HORA A Xunta Electoral amplía o prazo para depositar o voto por correo ata mañá, 23 de xuño. En Galicia as solicitudes aumentaron máis dun 30% a respecto do 20D
Fálase
Nova remesa de froita electoral dende Andorra! @Electograph amosa unha lixeira baixada da auga e unha leve alza da laranxa, mentres uvas e amorodos seguen cotizando coma onte.
Dieter Moure evita a quebra da Confederación de Empresarios de Galicia, aprobando no último momento o seu plan de viabilidade, que inclúe oito despedimentos.
A Xunta prescinde dos seus cinco avións contra incendios. Serán substituídos por catro helicópteros, pero aínda non se publicou o concurso para adquirilos. Os únicos avións que operarán serán os cinco que achega o Goberno central.
O Reino Unido vive hoxe o derradeiro día de campaña para o referendo sobre a súa permanencia na UE, que se celebrará mañá. Catro das cinco sondaxes publicadas nos últimos tres días prevén unha axustada vitoria dos partidarios da permanencia. Esta noite celebrarase o derradeiro debate televisivo, só unhas horas antes de que abran as urnas.
O PP non só manipulou o gráfico amosado por Pablo Casado no debate a sete, senón que mentiu: o gasto social reduciuse un 2,4% entre 2011 e 2014.
O PP fai novos chamamentos a conformar unha gran coalición, desta volta a través de Luis de Guindos e empregando o Brexit como argumento.
O ministro de Interior, Jorge Fernández Díaz, maquinou xunto ao director da Oficina Antifrau de Catalunya, Daniel de Alfonso, para buscar casos de corrupción que puidesen acusar a contorna do líder de ERC, Oriol Junqueras. Público ofrece en exclusiva as gravacións que inculpan o ministro de Interior.
Xulio Ferreiro representará a Galicia no acto de peche de campaña de Unidos Podemos e as confluencias en Madrid. O alcalde da Coruña participará no acto das forzas rupturistas do vindeiro venres.
O pleno do Parlamento debaterá crear unha comisión de investigación sobre o incendio de Fandicosta, como reclama o PSdeG.