A Xunta aproba unha declaración institucional contra o texto pactado por Junts pel Si e CUP a prol da independencia de Catalunya. Segundo o Goberno galego, o texto catalán é un "desafío" ao Estado das Autonomías e un "intento fraudulento de liquidalo".
Sanidade desactiva o protocolo do ébola tras ficar descartado que o paciente atendido na Coruña e Vigo estivese infectado.
Fundación Civio salienta as principais irregularidades nos procesos de contratación pública analizados polo Tribunal de Contas no seu último informe. O 60% os contratos dos ministerios en 2014 adxudicáronse sen concurso. O artigo forma parte do proxecto ¿Quién cobra la obra?, no que Civio traballa dende o pasado ano, e que se publicará nas vindeiras semanas.
Os grupos da oposición abandonan o pleno da Deputación de Ourense ao negarse Baltar a dar explicacións sobre a denuncia da muller que o acusa de ofrecerlle traballo a cambio de sexo. Máis información, hoxe en Praza.
Detido en Vigo un home cuxa muller foi atopada morta logo de precipitarse desde un terceiro piso. A policía investiga se é un novo caso de violencia de xénero.
A Unión de Criadores de Toros de Lidia critica o posicionamento do Parlamento europeo, que este mércores votou eliminar os subsidios gandeiros para a tauromaquia, unha iniciativa que aínda debe pasar polo Consello de Ministros de Agricultura da UE. Entre os eurodeputados españois, a esquerda e o nacionalismo votou a favor da retirada dos subsidios, PSOE, Ciudadanos e UPyD dividiron os seus votos e o PP votou en contra.
O podcast Metrópoles delirantes, de Manuel Barreiro e Nieves Rodríguez, recibe o premio Ourense de Banda Deseñada. O Museo Municipal acolleu a entrega dos galardóns con premios tamén para autores e autoras de cómic.
El Diario amosa nun mapa a localización dos cartos que os españois declaran ter no estranxeiro. Suíza e Luxemburgo suman máis dun terzo.
Mariano Rajoy e Pedro Sánchez acordan traballar coordinadamente "en defensa da Constitución, a unidade nacional, a soberanía nacional e a igualdade dos españois". Albert Rivera pasará tamén pola Moncloa nesta rolda de contactos iniciada por Rajoy.
O mozo do que nun principio se sospeitou que estaba infectado polo ébola seguirá illado no Meixoeiro á espera de que unha segunda analítica confirme o resultado negativo para esta enfermidade. Espérase que os datos cheguen o venres.