O CIS mantén o PP como primeira forza en estimación de voto en eleccións xerais cun 31,5%, seguido de PSOE e Unidos Podemos e mais as súas confluencias, situados nun empate técnico un chisco por baixo do 20%. Recólleo eldiario.es
Fálase
-
Atopan o cadáver dun neno de 11 anos en Oza-Cesuras. A nai do meniño denunciara a súa desaparición tras non regresar á hora pactada co pai. Está a contalo a TVG
Javier López-Madrid dimite como conselleiro de OHL tras ser investigado na Operación Lezo, pero segue á fronte de Ferroatlántica -actualmente Ferroglobe-, inmersa na venda das centrais hidroeléctricas galegas.
O Parlamento aproba este martes outra volta a petición do traspaso da AP-9 a Galicia. A norma sairá aprobada por unanimidade, como na anterior ocasión, en que a lei galega acabou vetada polo Goberno de Rajoy a través dun informe baseado en cálculos erróneos.
O Congreso vota hoxe retirar o cadáver de Franco do Valle de los Caídos e negar as axudas á Fundación Franco. A proposta do PSOE sairá adiante malia á oposición do PP, pero o Goberno de Mariano Rajoy non está obrigado a cumprila.
O Pleno da Coruña deu luz verde ao ditame da comisión de Facenda sobre as reclamacións ao proxecto de Orzamentos, cunha rebaixa de 7,3 millóns con respecto á proposta inicial fo Goberno local. Con este trámite, as contas municipais quedaron aprobadas de forma definitiva.
O alcalde de Camariñas, Manuel Valeriano Alonso (PSdeG-PSOE), inhabilitado catro anos por prevaricación, acusado de contratar de forma ilegal un compañeiro de partido para traballar no Concello. O rexedor di que recorrerá o ditame e asegura que "non cometín delito ningún, igual hai unha pequena irregularidade"
O pleno do Concello de Santiago votará este mes a municipalización da ORA e do guindastre. A decisión está "amparada pola asesoría xurídica", di o alcalde, Martiño Noriega, mentres que a oposición recea do procedemento ao considerar que existe inseguridade xurídica. O goberno compostelán ve necesario acelerar o proceso antes da entrada en vigor das restricións ás municipalizacións incluídas nos Orzamentos do Estado.
Ditan a apertura de xuízo ao ex-alcalde do Porriño Nelson Santos (PP) por un delito continuado de prevaricación en adxudicacións do Concello. A Fiscalía pide que Santos e un ex-edil sexan condenados a 10 anos de inhabilitación. Esta é a peza principal da que derivou a 'operación Multiusos', arquivada o pasado marzo.
Santiago TV cesa este luns as súas emisións. A canle local naceu en 2010 como herdeira de Localia Santiago (Prisa) e chegou a ter un plantel dunha vintena de persoas. Tras case media década como parte do grupo ourensán La Región pasou estar controlada por Intereconomía, que vén acumulando numerosos problemas económicos. O mapa da TDT local galega completouse coa asignación de 20 licenzas en 2014, se ben a meirande parte das concesións non están operativas.
