O 27% dos norteamericanos consulta medios de comunicación a través de móbiles ou tablets, segundo o estudo State of the News Media do Pew Research Center. O estudo conclúe que as noticias se están convertindo nun elemento cada vez máis importante e penetrante da vida das persoas, pero aínda segue sen estar claro quen se vai beneficiar economicamente desta maior demanda de información". Aínda que no 2011 os ingresos por publicidade en Internet aumentaron nos EE.UU. un 23%, mentres que descenderon un 7% na prensa impresa, este crecemento segue sendo insuficiente.
Fálase
Este luns presentouse o programa do Festival Play-Doc de Tui, que comezará este mércores e que contará coa presenza destacada de Artavazd Pelechian e Ross McElwee, referentes do documental soviético e autobiográfico respectivamente.
Verdegaia fixa catro prioridades para o seu traballo en 2012: a modificación da Lei de Costas, a loita polos dereitos sociais, o Plano Director de Acuicultura e o proxecto de base de avións non tripulados que se pretende levar a cabo no concello ourensán de Trasmiras. Así mesmo, a asociación renovou a súa Comisión Coordinadora, con Diego R. Vieites, como coordinador, Miguel Pardellas como vicecoordinador e María Ogando, como secretaria xeral. As distintas reponsabilidades son xestionadas por Nacho Jorganes, Xián Nieto, Sabela Iglesias, Diego R. Vieites, Sabela García, Xosé Cadaveira e Tamara Roig.
A arma utilizada nun tiroteo esta mañá en Toulouse foi usada noutros dous ataques, segundo as informacións que publican a esta hora os medios franceses. Ambas as dúas agresións previas tiveron unha motivación racista ou neonazi. Le Monde ten máis datos
Dous mozos foron expulsados dun mítin de Rick Santorum, candidato a liderar o Partido Republicano dos EUA, despois de darse un bico durante o acto. Santorum, un ultraconservador que asegura que non hai máis familia que a "tradicional", estaba falando dos "fogares de verdade" pouco antes de ser interrompido. A partir do minuto 3:30
Lanzan un blog, 29M Huelga General sin Miedo, para denunciar as empresas que se prevé que poden dificultar ou impedir o dereito dos traballadores á folga. Na base de datos, de construción colaborativa, figuran neste momento 26 empresas galegas.
Un colectivo de militantes nacionalistas do Val Miñor (dos concellos de Baiona, Gondomar, Nigrán e Oia) constitúen un grupo de base para a separación do BNG "en boa avinza" e a promoción dun "novo proxecto común". Así mesmo, lanzan un texto coas conclusións das súas conversas.
Este é o aspecto que amosa a evolución do índice de clima industrial de Galicia. Os datos foron recompilados polo servizo de estudos da Fundación Barrié. A táboa é de elaboración propia
O tribunal de Xustiza da UE dálle a razón a CCOO sobre o cobro de sexenios polo profesorado interino. Como explica a central, o tribunal europeo vén de ditar un Auto que "outorga a razón á demanda tramitada por CCOO, declarando a mesma retribución por formación (sexenios) para os docentes interinos que para os funcionarios de carreira". Neste enlace tedes máis información
Isabel Coixet rodará un documental sobre a catástrofe do Prestige, adianta o xornalista Gregorio Belinchón, o especialista en cinema de El País.