O Daily Telegraph anuncia mañá na súa primeira plana que do cumio que o G20 vén de celebrar en México saíu un plan para rescatar a España e Italia a través da compra de débeda soberana de ambos países. Esta operación sumaríase ao rescate bancario, xa acordado.
Dende México Mariano Rajoy evita negar que o Goberno de España vaia subir o IVE: "tomaremos todas as decisións que nos parezan oportunas, unha vez que estean tomadas será informada como todos os seus compañeiros", sinaloulle á xornalista que o cuestionou.
Julian Assange pide asilo político na embaixada de Ecuador en Londres. Assange, que se enfronta á posibilidade de ser extraditado a Suecia, entrevistou recentemente a Rafael Correa.
Concentración da Coordinadora de Loitas da Comarca da Coruña diante da sede de Hidralia Energía
O Goberno desmente que a segunda avaliación da banca se deixe para setembro, como aseguraron algunhas fontes. Mantén o 31 de xullo como data para o informe.
O PP vota por erro no Congreso a prol de manter os contratos dos promotores de emprego ata decembro, como propoñía Izquierda Plural. Cóntao a web de Europa Press.
A catedral de Santiago acollerá no mediodía de mañá un "simulacro de incendio e crise sanitaria"
O senador socialista coruñés Javier Losada amosa en Twitter a manifestación que a esta hora se están a producir diante do edificio da Cámara Alta a prol da minaría asturiana e leonesa. A marcha prodúcese mentres continúan as protestas nas comarcas afectadas polos recortes das axudas ao carbón.
As mulleres dos mineiros que protestan nas concas de toda España están xa ás portas do Senado. Imaxe de @comisionestelemadrid
Almunia non descarta un cambio lexislativo para que se poida recapitalizar a banca directamente, como pide Rajoy. No entanto, lebmra que a Comisión terá "o control directo" do rescate de Bankia.