Hoxe comeza en Vila Real a XXIX Cimeira Ibérica, centrada na cooperación transfronteiriza. O Eixo Atlántico de cidades de Galicia e o norte de Portugal vén reclamando a necesidade de abordar demandas pendentes da fronteira galego-portuguesa como as comunicacións ferroviarias, a sanidade ou os servizos de emerxencias.
O PP negocia co PNV o achegamento de presos por pertenza a ETA a cárceres próximas a Euskadi, segundo informa a SER. Os populares atacaron con dureza o Goberno do PSOE por abordar negociacións neste ámbito e Rajoy acusara a Zapatero de "traizoar" as vítimas.
Nueva Canarias garante co seu "si" a aprobación dos Orzamentos de Rajoy. O PP chegara xa a outros acordos con partidos como a súa escisión Foro Asturias, pacto que implica a alteración do calendario do AVE de Madrid a Galicia.
O Celta anuncia a Juan Carlos Unzué como novo adestrador para a vindeira tempada. O segundo adestrador do Barcelona xa formara parte do corpo técnico celeste durante a estadía de Luis Enrique en Vigo.
Os afíns a Pedro Sánchez copan todos os delegados nas listas par ao congreso do PSOE. O PSdeG pontevedrés estará representado por 16 'sanchistas' e o de Lugo por once apoios do novo secretario xeral, encabezados polo alcalde de Pedrafita. A presidenta da xestora, Pilar Cancela, aposta por "unha oposición máis contundente" por parte do PSdeG.
Puigdemont convoca os partidos favorables ao referendo para fixar pregunta e data. O presidente dáse un prazo de dúas semanas para pechar a data na que se celebrará a consulta.
O Fabril, filial do Deportivo, ascende a 2ª B logo de vencer o Cacereño 2-0 en Riazor. O filial do Celta caeu este sábado na fase de ascenso a 2ª División ante o Mestalla.
A Audiencia Nacional investiga os ingresos de Gallardón polo caso do Canal de Isabel II. Solicita a información tributaria "completa" do ex-ministro e as súas "operacións con terceiros derivadas de actividades profesionais".
O Atlético Guardés fai historia e gaña a Liga de balonmán feminino. A vitoria ante o Granollers dálle o título ao conxunto da Guarda.
O Cangas vence o Bidasoa (31-27) e consegue a permanencia na Liga Asobal. A vitoria do Ademar León ante o Villa Aranda permítelle ao equipo do Morrazo seguir un ano máis na elite. Na vindeira tempada, haberá derbi entre os cangueses e o Teucro de Pontevedra.
