CLUN (Cooperativas Lácteas Unidas), así é o nome da integración das principais cooperativas lácteas galegas, cuxos presidentes se reuniron hoxe con Feijóo na Xunta. Os dirixentes de Feiraco, Os Irmandiños e Melisanto presentáronlle a iniciativa ao Goberno galego.
Marta Fernández Currás, ex secretaria de Estado de Orzamentos do Ministerio de Facenda, negocia a súa entrada no sector privado, nun novo caso de porta xiratoria. A ex conselleira de Facenda da Xunta incorporaríase segundo Europa Press á multinacional de auditoría e asesoría Ernst & Young na área de Sector Público
O tren ao porto exterior da Coruña previsto para 2017 non estará rematado, cando menos, ata 2021. Así o revela a propia entidade portuaria, tal e como recolle La Opinión de A Coruña. O pasado setembro o Tribunal de Contas da UE cuestionou os investimentos nos portos exteriores coruñés e ferrolán.
Trump nomea un ultra xefe de gabinete da Casa Branca. Stephen Bannon foi director executivo dunha web de extrema dereita e é acusado de racismo, antisemitismo e sexismo.
Sacristán, secretario xeral do PSOE coruñés, di que Caballero "é unha mala copia de Paco Vázquez" e que "sobra xente" no seu partido. A crise no PSdeG recrúa, tamén en Ourense tras a destitución do voceiro na Deputación, Ignacio Gómez.
Alcoa mellora os resultados de 2015 na primeira sesión da poxa de primas eléctricas. Acada cinco dos seis lotes de enerxía interromplible mellor remuneraod aos que optaba para reducir a súa factura enerxética. Tres para San Cibrao e dous para A Coruña e Avilés.
Audasa obriga a pagar a peaxe a milleiros de condutores tras máis de tres horas de retencións na ponte de Rande. A colisión entre varios camións bloqueou a AP-9.
O PSOE rebaixa a súa ofensiva contra a Lomce e apraza as medidas máis duras. Levan ao Congreso unha proposición de lei que propón unha moratoria nas reválidas e non a súa retirada.
Civio publica en Elboenuestrodecadadia dúas análises sobre o financiamento dos partidos políticos debullando as súas diferentes vías de ingresos e as subvencións que reciben pola súa participación nas institucións. A entidade dedicada ao fomento do acceso público á información pregúntase por que é tan difícil fiscalizar estas achegas.
Rajoy convocará eleccións se non logra aprobar os orzamentos. Así o informaron membros do goberno nos seus contactos coa Comisión Europea e socios da UE. Comprométese a convocar novos comicios se non saca adiante os axustes que garantan o obxectivo de déficit.
