Pescanova inflou o seu patrimonio en máis de 650 millóns e ocultou perdas, segundo conta El Economista.
Fálase
O sociólogo Carlos Neira analiza a proposta de reforma electoral do PP, pola que un voto en Lugo pasaría a valer 2,3 veces máis ca un da Coruña. Neira conclúe: "con esta reforma Feijoo dará un golpe de Estado en Galicia. Mudará as regras do xogo electoral ao seu favor e en detrimento do sentido democrático do principio de unha persoa, un voto".
As protestas ante o novo regulamento de uso das instalacións municipais obrigaron a suspender o pleno municipal de Vilagarcía. A oposición ao completo abandonou o salón para sumarse ao acto reivindicativo dos asistentes, que tocaron o himno galego ás portas do Concello
Os preferentistas de Bankia poden perder até o 70% dos seus aforrro tras a súa caída en Bolsa
Aznar reaparece no Congreso, onde non o acompañou ningún ministro do Goberno, e insiste na crítica velada contra Rajoy: "Eu non estou contra ninguén. Estou cos españois".
A UE abre a vía para enviar armas aos rebeldes sirios. Os ministros de Exteriores acordan permitir os envíos cando haxa garantías "de que os destinatarios son rebeldes moderados".
As encargas de Petróleos de Venezuela manterán os estaleiros portugueses de Viana do Castelo, próximos a Galicia, traballando ao 70% da súa capacidade ata 2015. Recólleo Público.
En menos de media hora comezan as primeiras das oito concentracións convocadas polo BNG "na defensa do aborto libre e gratuíto".
Rajoy non logra un acordo entre os líderes autonómicos do PP sobre o reparto do déficit público. Segundo recolle a Cadena SER, os conservadores danse un mes para poñerse de acordo.
Os alumnos e alumnas do CPI dos Dices de Rois elaboraron un completo Telexornal dedicado a Roberto Vidal Bolaño