Un incendio afectou este domingo á contorna de Vilamaior, en Verín. A Xunta non emitiu ningún parte de incendios dende o pasado venres. A pasada semana o Goberno galego ocultou varios incendios que revelaron bombeiros, axentes forestais e concellos. (Imaxe: Brif Laza)
As forzas políticas organizan xa hoxe actos ligados ao Día Nacional de Galicia. Galiza Nova, as mocidades do BNG, celebran hoxe a súa homenaxe a Castelao e Rosalía e participan xunto a outras organizacións nunha manifestación pola independencia. Anova desenvolve unha xornada sobre "república e ruptura" xunto a representantes de organizacións soberanistas vascas e catalás.
Nidia Arévalo deixa a portavocía do PP na Deputación de Pontevedra. O PSdeG ve constatado o seu "fracaso". Cóntao Faro de Vigo
'Psiconautas', do galego Alberto Vázquez, gaña o Premio Platino á mellor película de animación logo de triunfar nos Goya.
A RAG lamenta o pasamento de Nicandro Ares Vázquez, académico correspondente da institución e grande estudoso da toponimia. O sacerdote faleceu este sábado en Lugo aos 91 anos.
Gonzalo Caballero comeza a carreira polas primarias no PSdeG cun acto con militantes en Compostela e lembra que leva "20 anos" no PSdeG, onde "todo o mundo se coñece".
En Marea presenta os actos do 25-X, que celebra co ánimo de "construír unha patria colectiva". A coordinadora afirma que non foi posible organizar un acto conxunto xunto a outras organizacións porque xa había "cousas en marcha".
Feijóo advirte a Rajoy que "non debe negociar nada" co actual Goberno catalán. "Sería un gravísimo erro", di o presidente da Xunta, que non descarta aplicar o artigo 155 da Constitución.
A RAG homenaxeou este venres a Luz Pozo Garza polo seu 95º aniversario. "Autenticidade, elegancia e beleza", dixo o presidente, Víctor F. Freixanes, para definila.
O Estado subirá a luz en Galicia para repercutir catro impostos da Xunta, segundo adianta Faro de Vigo. O impacto será maior do previsto ao non afectar só ao canon eólico, senón tamén ao dos encoros, ao de saneamento ou ao imposto de contaminación atmosférica. Este incremento do recibo nos fogares galegos derívase dunha sentenza do Supremo do pasado mes de marzo.