Tal día coma hoxe de 1936 remataban os actos de entrega do Estatuto galego ás autoridades da II República
As manifestacións en defensa das pensións públicas volven este domingo á rúa. A CIG convoca mobilizacións este mediodía nunha vintena de localidades galegas e CC.OO. e UGT chaman a unirse a unha ducia de convocatorias. O máis destacado das protestas, hoxe en Praza.
O Consello de Seguridade da ONU rexeita a condena aos bombardeos en Siria que promoveu Rusia e que á que se uniron as delegacións de Bolivia e China. O secretario xeral, António Guterres, apelou a evitar unha "escalada" que cause maior "sufrimento" á poboación siria e advertiu de que "non existe solución militar ao conflito, ten que ser política".
Israel organizou a viaxe ao país dun grupo de membros das mocidades do PP e Ciudadanos, entre eles un edil de Vigo, tres días despois de negar o acceso a unha delegación de doce membros do Congreso dos Deputados de PP, PSOE, o grupo de Unidos Podemos, C's e Compromís na que tamén había participación galega. Cóntao eldiario.es
VÍDEO | Xosé Manuel Beiras pronuncia o manifesto na manifestación republicana celebrada este sábado en Vigo co gallo do 14 de abril, aniversario da proclamación da II República española. "Sen república non hai democracia", afirmou o histórico nacionalista. Recolleuno Nós TV.
A Cruz Vermella Internacional lembra tras os bombardeos estadounidenses as cifras das necesidades humanitarias en Siria no marco da longa guerra
Os Estados Unidos, Reino Unido e Francia bombardean Siria. O xornal The Guardian está a facer un seguimento ao vivo do ataque, que sinalan como represalia dun presunto ataque químico do Goberno dese país, cuxa investigación aínda non comezou.
O Breogán regresa á ACB 12 anos despois tras impoñerse por 93-89 ao Sammic Hostelería nun emocionante partido cun Pazo dos Deportes de Lugo ateigado. O equipo breoganista será recibido este mediodía no Concello lucense (12:30) para celebrar a vitoria cando aínda restan dúas xornadas de campionato. (Imaxe: FEB) Consulta aquí a crónica do encontro.
Dimite o deputado de En Marea Juan Merlo por incluír no seu currículo do Parlamento unha licenciatura que non ten. Merlo é tamén o 'número dous' de Podemos Galicia. Le aquí toda a información
Julia Otero gaña o XIV Premio José Couso á liberdade de prensa, que conceden o Colexio Profesional de Xornalistas de Galicia e o Club de Prensa de Ferrol en lembranza do cámara galego asasinado por militares estadounidenses en Iraq hai 15 anos.
O secretario de Estado de Orzamentos certifica que os prazos do AVE a Galicia non dependen da aprobación das contas do Estado para 2018. Álvaro Nadal reiterou nunha entrevista na Radio Galega o que xa evidenciara Adif e que contradí o argumentario da Xunta e do PP galego.
