Novagalicia e os sindicatos emprázanse a novas reunións para negociar o ERE. Non houbo avances e Castellano asegura que tratará de preservar o maior número de empregos en Galicia.
Fálase
O goberno valenciano perde a batalla xudicial para pechar TV3 na comunidade. O Tribunal Superior de Justícia vén de resolver a favor de Acció Cultural del País Valencià (ACPV) o seu recurso contra a terceira multa de 300.000 euros da Generalitat
O Tribunal Constitucional suspende o euro por receita en Cataluña. O Goberno central tamén recorreu a mesma medida imposta pola Comunidade de Madrid. Cóntao El Diario.
Traballadores de Novagalicia concéntranse ante as oficinas da entidade onde se reanudan as negociacións dos plans de reestruturación que prevén 2.500 despidos.
Un dos novos membros do Comité de Bioética considera a homosexualidade "irregular e desordenada". Varios destes membros empregan a ciencia para atacar a investigación con células nai.
A inflación pecha 2012 rozando o 3% no Estado e queda no 2,6% en Galicia, segundo os datos do INE.
Wert suspende unha conferencia en Sevilla ante unha protesta masiva de estudantes, que o recibiron con berros de "Wert escucha, Sevilla está en la lucha" ou "Esto nos pasa por un Gobierno facha".
A morte de Aaron Swartz volve poñer sobre a mesa a necesidade do Open Data na investigación científica: "as investigacións sufragadas con fondos públicos deberían ser de acceso libre e universal a través da rede, algo que en Estados Unidos se solicitou formalmente ao goberno e que, por exemplo, no Reino Unido será obrigatorio a partir do ano 2014"
Mega, sucesor de Megaupload, lanzarase este venres cunha capacidade de 50 Gb para cada usuario.
CiU e ERC eliminan a referencia ao Estado propio no texto soberanista e o PSC propón un prazo de dous anos para negociar a consulta. Pola súa banda a CUP rexistrou no Parlament a súa propia declaración de soberanía