Publican un mapa global das startups tecnolóxicas. Na Península hai 367, a meirande parte concentradas entre Madrid e Barcelona, e en menor medida Lisboa e Porto. Spain Startup Map ofrece unha panorámica máis completa da situación en España
Fálase
-
Continúa o peche no Hospital Xeral de Vigo a prol da sanidade pública e en contra dos recortes e da privatización. O encerro manterase ata as 8 da mañá deste martes. Imaxe de @aljo_farias.
Uns 200 membros da Plataforma das Artes Escénicas permanecen pechados na sede da AGADIC, na Cidade da Cultura, "para denunciar cunha solicitude formal a grave situación na que se atopan as empresas e traballadores do sector".
O desafiuzamento de Aurelia Rey foi finalmente paralizado despois de horas de tensión e de que os bombeiros se negasen a executar a orde policial para rechar unha cadea que pechaba o portal. Os concentrados farán gardas por quendas diante da vivenda para evitar a expulsión.
Enfrontamentos entre a policía e os concentrados ás portas da casa de Aurelia Rey. Francisco Jorquera, voceiro parlamentario do BNG, ou César Santiso, voceiro municipal de EU, foron zarandeados polos antidisturbios. Os bombeiros néganse a cortar a cadea que pecha o portal da vivenda. Máis información, nuns minutos en Praza.
Aurelia Rey permanece na súa casa e négase a abandonala despois da intervención policial. O portal do edificio está pechado cunha cadea que os bombeiros se negaron a romper. Ao redor de vinte antidisturbios manteñen cortada a rúa.
O grupo musical e humorístico Os da Ría emite un retranqueiro comunicado anunciando a súa intención de presentárense para dirixir a Axencia Galega das Industrias Culturais (AGADIC), organismo dependente da Xunta cuxa dirección leva catro meses vacante.
Mantense a concentración na rúa Padre Feijoo da Coruña diante da casa de Aurelia Rey. 200 persoas impiden de momento o desaloxo desta muller de 85 anos.
O colectivo cidadán Acción Directa de Recuperación de Espazos Públicos organiza este domingo en Ferrol o I Campionato Mundial de Pesca de Neumático para protestar contra o estado da ría
O presidente de Venezuela, Hugo Chávez, anuncia o seu regreso tras ser tratado en Cuba do cancro que padece. Chávez non puido tomar posesión tras gañar as eleccións a causa da súa doenza.