Fálase

Venceréis pero no convenceréis. Parafraseando a Unamuno o condutor do programa de Radio 3, Javier Gallego, amosa no blog deste espazo radiofónico o seu rexeitamento á reforma legal que lle dá o control de RTVE ao PP. "A radio e a televisión públicas non teñen un só dono, teñen máis de corenta millóns e vostede é só un deles", dille a Rajoy.

Alfredo Urdaci quenta os ánimos no twitter especulando co seu regreso a TVE. Fala de "progredumbre" e publica unha foto dun burladero taurino

SOS Sanidade Pública vén de anunciar a través das redes sociais a decisión de convocar unha protesta contra os recortes sanitarios para o vindeiro 3 de xuño

Causa Galiza denuncia a agresión ao seu portavoz nacional "por parte de individuos da extrema dereita"

Alfonso Rueda recorda que o futuro de Novagalicia Banco "non depende da Xunta". O conselleiro de Presidencia, Administracións Públicas e Xustiza di tamén que sería "bo e desexable" a súa continuidade como entidade galega.

O Ministerio de Educación e Cultura prevé aprobar "en breve" un "plan de fomento" das touradas. En La Información.

O Ibex derrúbase un 2,76%, chega á cota dos 6.800 puntos e acada mínimos de 2003, mentres que a prima de risco mantense arredor dos 437 puntos, o que elva a rendabilidade do bono español a dez anos ao 6%. 

CCOO e UGT presentan mañá un escrito á defensora do Pobo, María Luisa Cava de Llano, para que promova  un recurso de inconstitucionalidade contra a reforma laboral. 

O ex primeiro ministro de Islandia, declarado inocente tras ser acusado da bancarrota na que acabou o seu país. Geir Haarde negou responsabilidades na crise financeira islandesa, malia que fixo oídos xordos ás advertencias.  

O xornal 20 Minutos revela que o ministro de Educación, José Ignacio Wert, redactou unha carta inzada de erros gramaticais para conmemorar o Día do Libro. Podedes consultala aquí.