Fálase

O xornal 20 Minutos revela que o ministro de Educación, José Ignacio Wert, redactou unha carta inzada de erros gramaticais para conmemorar o Día do Libro. Podedes consultala aquí.

A CIG pide a CCOO e a UGT que se unan á convocatoria de folga xeral para a primeira quincena de xuño. Urxe a actuar "de forma conxunta" e alerta de que a sociedade debe continuar "con esta resposta social ou non ten saída ningunha”

Le Monde salienta que Sarkozy "xógao todo" na procura dos votos de extrema dereita. Sinala que "entre un François Bayrou con 9,1 % e unhe Marine Le Pen con 18,03%, Nicolas Sarkozy escolleu". A candidata da Fronte Nacional xa pediu aos seus votantes que se abstivesen na segunda volta, na que as enquisas sitúan a Hollande máis de dez puntos por diante. Os responsables de Sinpermiso afirman a este respecto que Le Pen é "nova, intelixente e ambiciosa, e aspira a culminar a tarefa destrutora de Sarkozy para converterse na xefa da oposición ao “sistema” e a Hollande".

Paul Krugman advirte de que España non está en recesión, senón nunha "depresión en toda regra" e, novamente, culpa as políticas de austeridade ditadas dende Alemaña. Artigo publicado en Sinpermiso. Krugman conclúe: "En vez de admitir que se trabucaron, os líderes europeos parecen decididos a tirar a súa economía —e a súa sociedade— por un precipicio. E o mundo enteiro pagará por iso".

“A crise da prensa, ao igual que a financeira, non é unha crise: é un cambio de paradigma”. Moi interesante entrevista a Juan Luis Cebrián en Jot Down.

El Jueves dedícalle ao rei Juan Carlos o seu número desta semana, un especial Monarquía

A CIG vén de lanzar a convocatoria dunha nova folga xeral, na primeira quincena de xuño, "ante a gravidade das políticas do goberno do PP". Máis información, hoxe en Praza.

O líder da xenófoba Plataforma per Catalunya, Josep Anglada, rematou a festa do seu partido a puñadas con dous mozos inmigrantes. Antes, proclamárse "o Sant Jordi do século XXI". En El 9 Nou

#YPF Repsol demandará a calquera empresa que invista en YPF. A compañía petrolífera española anuncia que tomará medidas legais contra quen aproveite a "expropiación forzosa" dun 51% da súa filial para investir na petroleira arxentina. 

Bruxelas certifica que o déficit de España foi do 8,5% o ano pasado. Eurostat confirma os datos do Goberno, o que sitúa o déficit no terceiro máis alto da Unión Europea, só por detrás de Irlanda (13,1% do PIB) e Grecia (9,1%).