Fálase

O líder da xenófoba Plataforma per Catalunya, Josep Anglada, rematou a festa do seu partido a puñadas con dous mozos inmigrantes. Antes, proclamárse "o Sant Jordi do século XXI". En El 9 Nou

#YPF Repsol demandará a calquera empresa que invista en YPF. A compañía petrolífera española anuncia que tomará medidas legais contra quen aproveite a "expropiación forzosa" dun 51% da súa filial para investir na petroleira arxentina. 

Bruxelas certifica que o déficit de España foi do 8,5% o ano pasado. Eurostat confirma os datos do Goberno, o que sitúa o déficit no terceiro máis alto da Unión Europea, só por detrás de Irlanda (13,1% do PIB) e Grecia (9,1%). 

"O IRA tería que terse convertido nunha organización socialista". Sinpermiso publica unha entrevista con Tommy McKearney, antigo dirixente do Exército Republicano Irlandés

"Á sombra do extremismo do centro". Sinpermiso entrevista a Tariq Alí

O Goberno central tenlle que contar á UE esta semana todas as reformas que ten previsto facer en 2012. En La Información.

Seguen as quinielas para a presidencia de RTVE, que o PP poderá decidir sen pactos. El Confidencial apunta ao galego Francisco Campos, ex director xeral da CRTVG con Manuel Fraga.

A economía española entrou en recesión no primeiro trimestre ao caer un 0,4%, segundo o Banco de España. 

Os afectados por ERE aumentaron un 55% nos dous primeiros meses do ano tras poñerse en marcha a reforma laboral o 12 de febreiro. Máis de 61.000 traballadores foron despedidos en España a través dun expediente de regulación.

O Ibex abre cunha baixada do 1,16%, ao situarse en case os 7.000 puntos. A prima de risco repunta até superar os 435 puntos.