Fálase

"Á sombra do extremismo do centro". Sinpermiso entrevista a Tariq Alí

O Goberno central tenlle que contar á UE esta semana todas as reformas que ten previsto facer en 2012. En La Información.

Seguen as quinielas para a presidencia de RTVE, que o PP poderá decidir sen pactos. El Confidencial apunta ao galego Francisco Campos, ex director xeral da CRTVG con Manuel Fraga.

A economía española entrou en recesión no primeiro trimestre ao caer un 0,4%, segundo o Banco de España. 

Os afectados por ERE aumentaron un 55% nos dous primeiros meses do ano tras poñerse en marcha a reforma laboral o 12 de febreiro. Máis de 61.000 traballadores foron despedidos en España a través dun expediente de regulación.

O Ibex abre cunha baixada do 1,16%, ao situarse en case os 7.000 puntos. A prima de risco repunta até superar os 435 puntos. 

Nunha entrevista na TV3 Artur Mas non descarta "eleccións anticipadas" se o Goberno español intervén a Generalitat.

Josep Anglada, líder de Plataforma per Catalunya, tivo este domingo unha pelexa na Praza Maior de Vic na que dous mozos acabaron no hospital. Os medios falan de que Anglada estaba bébedo.

Eurostat revelará hoxe as cifras oficiais de déficit e débeda pública dos 27 países da UE durante os anos 2008 a 2011. Conformará -ou non- a cifra do 8,51 de déficit en España do 2011.

Tres meses despois de estoupar o caso Megaupload, Enrique Dans escribe que "parece algo completamente distinto do que os medios contaban e do que algúns crían. Ás veces, as cousas non son o que parecen"