Pódese apoiar un referendo de secesión sen ser independentista? Ignacio Sánchez-Cuenca, profesor de Socioloxía na Universidad Complutense escribe que "ante unha situación tan complexa, o razoable, atendendo unicamente a consideracións democráticas, é que o pobo catalán se pronuncie nun sentido ou noutro"
Fálase
Sindicalistas péchanse en edificios administrativos da Xunta e nas áreas sanitarias para "denunciar os ataques aos servizos públicos e os novos recortes". A acción central desenvólvese na sede do Concello de Santiago de Compostela. Máis información, esta mañá en Praza. Imaxe de @onosolar.
Traballadores de Alcoa reivindican os seus postos de traballo fronte a Torre de Hércules. Acompañados por familiares, os operarios reclamaron este martes o mantemento da fábrica da Coruña, logo da visita do ministro Soria á cidade.
O FMI cualifica de "moi, moi valentes" as reformas de Rajoy. A directora do FMI valora os axustes, cre que permitirán crear emprego, aínda que di sentirse "moi, moi mal pola xente que perde o seu traballo". Asegúrao nunha entrevista na CBS.
A Xustiza investiga se o presidente da audiencia de Lugo cobrou de Dorribo, presunto líder da Operación Campeón. Cóntao El País Galicia.
O Goberno pretende pagar a colexios privados para que ensinen español nas comunidades bilingües. Quere preservar "o dereito constitucional dos pais a elixir a lingua de aprendizaxe dos seus fillos", segundo adianta El Mundo e recollen outros medios.
A Audiencia Nacional pide que se identifique as persoas que ingresaron cartos nas contas do 25-S. Tamén intentou coñecer a identidade das persoas que organizaron a convocatoria na rede. Google e Facebook facilitáronlle as IPs pero negáronse a proporcionar máis datos persoais.
ERC e SI negocian unha coalición independentista á que se poderían unir as CUP e Reagrupament
O alcalde de Vilar de Santos, Xoán Xosé Jardón, abandona o BNG xunto cos seus seis concelleiros. Afirma que pedirá o voto para Compromiso por Galicia nas eleccións do 21-O
As inmobiliarias Alteco e MAG Import presentan un concurso de acreedores por débedas de máis de 1.600 millóns de euros, un dos maiores da historia de España. Entrr as entidades más afectadas está Novagalicia Banco con 217 millóns, xunto coa francesa Natixis con 266 millóns, Banco Popular, Bankia e o Royal Bank of Scotland.