A BBC Radio emite a serie A invención de España, na que repasa as orixes históricas do actual Estado español e cuestiona a "mitoloxía" segundo a cal existe como "nación" dende hai 500 anos. "Catalunya, Castilla, Galicia e os vascos, considérase que moitos dos problemas de España veñen da pretensión de que é un país", explica a canle británica.
Vilaweb amosa as "fotografías apocalípticas (e falsas)" do paso do furacán Sandy por Nova York
CCOO de Galicia celebra a súa Asemblea Nacional este martes en Teo coa presenza de Ignacio Fernández Toxo e de Xosé Manuel Sánchez Aguión
Os xornalistas gregos, preocupados pola situación da liberdade de prensa no seu pais. Denuncian a suspensión de dous presentadores da televisión pública por criticar o primeiro ministro e tamén o xuizo contra Costas Vaxevanis por publicar a listaxe de 2.000 evasores fiscais
Feijóo contradí a ministra de Emprego. "Con estes datos económicos non se pode dicir que esteamos saíndo da crise", asegurou o presidente en funcións da Xunta nunha entrevista na Cadena Ser.
Os sindicatos de xornalistas convocan a todos os traballadores dos medios á folga xeral. As centrais pertencentes ao Foro de Organizacións de Periodistas chaman a toda a profesión a sumarse á "folga ibérica" do vindeiro 14 de novembro. Por vez primeira os sindicatos convocan os asalariados de diarios en papel á folga o mesmo día que o resto de traballadores.
O PSOE pide hoxe no Congreso a reprobación do ministro Wert. A proposición contra a xestión do titular de Educación será rexeitada grazas á maioría absoluta do PP.
O PIB caeu un 0,3% no terceiro trimestre con respecto a xuño, segundo datos do INE. É unha décima menos ca no segundo trimestre e unha décima por debaixo do adiantado polo Banco de España. A caída do PIB en taxa interanual crece e pasa do 1,3% do segundo trimestre ao 1,6% actual.
Os prezos subiron unha décima en outubro, e a inflación interanual sitúase no 3,5%
O Consell General d'Aran aprobou unha moción que reivindica o seu "dereito a decidir" a súa relación con Catalunya se esta aprobase a súa independencia.