O colectivo de persoal da USC A Trabe protestou este martes ante o claustro da institución para rexeitar os recortes co irónico lema "ven, rescátame, son unha autoestrada". A través das redes sociais foron informando do desenvolvemento do debate.
Fálase
-
España, entre os países da UE nos que é máis difícil conciliar a vida laboral coa familiar, segundo un recente informe do Instituto de Política Familiar. O 88,2 por cento das empresas definen totalmente o horario dos seus traballadores e traballadoras, fronte ao 65% de Francia ou Italia, o 60% de Alemaña ou o 45% de Finlandia.
Utrera Molina ameaza con denunciar as vítimas do franquismo logo de que a Interpol ordenase a súa detención. O ex ministro franquista carga contra Baltasar Garzón nun comunicado.
Este martes remata a Fase de Lanzamento do dominio .gal, que permite que grupos con dereitos preferentes (marcas rexistradas, administracións, webs preexistentes...) poidan solicitar o seu nome de dominio. En decembro comezará a apertura xeral do rexistro de dominios .gal
Afectados polo Ofimático impiden o inicio do pleno na Coruña con berros e insultos ao alcalde Negreira, segundo informa Radio Coruña. Acompañados de Stop Desafiuzamentos, protestan polos inminentes desaloxos en Elviña.
Industria paga 500 millóns de subvención eléctrica a cen empresas por un servizo que non prestan desde hai xa cinco anos.
O Congreso pedirá hoxe o recoñecemento do Estado palestino sen fixar prazos. O PP rexeita que o Estado dea un paso unilateral sen contar coa UE.
O Goberno central apraza o envío das cartas informativas sobre a pensión, na que o Estado informaría sobre o importe aproximado que cobraría a persoa ao xubilarse.
Serafín Otero acepta ser o candidato do BNG en Vigo para "facer o cambio desde as institucións". O secretario comarcal da CIG estará acompañado de "representantes dos movementos sociais e con experiencia".
O TSXG rexeita un informe que acredita un enchufe de Paula Prado. O tribunal négase a ampliar os delitos que indaga e avisa a xuíza De Lara de que non busque máis.