Os traballadores do espectáculo fixeron onte en Madrid un chamamento a favor da folga xeral nunha asemblea celebrada no teatro Alfil e na que participaron Alberto Sanjuán, Guillermo Toledo, Juan Diego Botto, Juan Margallo, Paca Gabaldón ou Petra Martínez. En Galicia, CCOO e UGT reúnense hoxe a partir das once da mañá no Mupega de Santiago de Compostela con representantes do mundo da cultura, da universidade e organizacións sociais de toda Galicia nun acto de apoio á folga xeral do 29-M
Fálase
Italia subirá o IVE até o 23%. O primeiro ministro imposto por Bruxelas, Mario Monti, xa o subira do 19% ao 21% hai uns meses.
O aeroporto de Castellón cumpre un ano, aínda sen autorización para o tráfico aéreo. O aeroporto tivo uns custes de máis de 155 millóns de euros na súa construción, 30 millóns en publicidade e de 35 millóns ao ano en mantemento
Rajoy anuncia máis reformas económicas e non cre que as xa feitas lle pasaran factura nas eleccións asturianas e andaluzas.
O BNG de Muros desbota presentar unha moción de censura xunto ao PP contra a alcaldesa socialista. O grupo nacionalista, despois dunha xuntanza coa Executiva Nacional do Bloque, acordou "demandar ao PSdeG a rectificación da súa política no concello" e, ao tempo, "desbotan calquera hipótese de presentación" da censura.
A CIG denuncia presións dos empresarios na comarca de Compostela contra os traballadores que queren facer folga e CCOO e UGT aseguran que Mango impide aos seus empregados secundala. Máis información aquí.
La Caixa aproba comprar Banca Cívica por 979 millóns, a 1,97 euros a acción, cando o grupo de caixa de aforros pechou o pasado veneres a 2,22 euros por acción. Máis información en Cinco Días.
A CIG recorre os servizos mínimos ditados pola Xunta para o 29-M por consideralos abusivos e contrarios ao dereito fundamental de folga. A central nacionalista entende que con este decreto procúrase unha “neutralización dos efectos do conflito mediante a asignación duns recursos de tempo e persoal absolutamente desproporcionados”.
Sinpermiso publica un artigo de Antoni Domènech, G. Buster e Daniel Raventós, membros do seu comité de redacción no que analiza a relación entre a derrota do PP nas eleccións desta fin de semana e a folga xeral convocada para o xoves: "A ofensiva de contrarreformas neoliberais imposta nestes tres meses polo PP chocou cunha remobilización inicial da esquerda, no marco da preparación da folga xeral".
Rick Santorum endurece a campaña electoral norteamericana cun vídeo contra Obama que ben parece un filme de terror e cunha elevada dose de publicidade subliminal