O líder do PSdeG-PSOE, Pachi Vázquez, comeza falando da "obriga de chegar a acordos" contra a crise e o paro e dille a Núñez Feijoo que "vai pasar á historia como o presidente co que se destruiu máis emprego". Propón, ao igual que fixera o BNG, un novo treito no IRPF para as rendas máis altas e un imposto aos depósitos bancarios que non repercuta nos clientes e "bolsas-contrato" para mozos de 500 euros ao mes. Ademais, insta a converter o Igape "nunha axencia de crédito público" e lembra que en Galicia hai 600.000 persoas no umbral da pobreza. Así mesmo, Vázquez critica os recortes en ensino e sanidade, o proxecto da incineradora para o sur de Galicia e o plano acuícola, que "dá licenza para estragar toda a costa galega" #debateautonomía #debatenación
Fálase
A voceira do BNG, Ana Pontón, comezou a súa intervención comparando a Núñez Feijoo con Dorian Gray ao esconder "o retrato real do seu paso polo goberno", por exemplo o feito de que a débeda da administración galega se triplicase. Así mesmo denunciou a "porta aberta ao repagamento da sanidade", a "desactivación masiva" de tarxetas sanitarias a persoas desempregadas e a "cruzada contra o galego" iniciada -dixo- polo presidente da Xunta. A deputada nacionalista propuxo, finalmente, "paralizar definitivamente" os edificios sen rematar na Cidade da Cultura e afirmou que "sempre hai alternativas, como unha banca pública galega. #debateautonomía #debatenación
O secretariado confederal da CIG, reunido esta mañá, decidiu pórse de acordo con CCOO e UGT para coordinar todo o traballo previo á folga xeral e o do propio día 29 de marzo. Así o informou o sindicato nacionalista, que celebrará manifestacións propias o día 29.
Alemaña non ten un Goberno perfecto. Segundo unha nova publicada no diario Spiegel, o Executivo que comanda Angela Merkel non logrou os obxectivos que se marcara en materia de déficit. Cun ilustrativo "Oops, German austerity fail", o Financial Times recolle a nova do xornal alemán.
O Parador de Muxía non se construirá. O ministro de Industria, José Manuel Soria, anunciou esta mañá un importante recorte nestes equipamentos que leva por diante a instalación turística comprometida tras o afundimento do Prestige.
#debateautonomía A sesión reanúdase ás 16:30. Intervirá primeiro a voceira do BNG, Ana Pontón, e despois o secretario xeral do PSdeG, Pachi Vázquez e o popular Pedro Puy. A continuación, o presidente da Xunta responderá.
Mañá ás preséntase a Plataforma Cidadá en Defensa da Radiotelevisión Pública Galega. Será ás 11:30 no Centro Galego de Arte Contemporánea, en Compostela.
#debateautonomía Comisións Obreiras censura a desaparición do Consello Económico e Social e asegura que as entidades representadas neste organismo non foron avisadas de que Feijóo o anunciaría no debate de política xeral
Nuns minutos ofrecémosvos en Praza a primeira crónica do debate de política xeral #debateautonomía
O diario La Información publica unha nova cos cinco grandes cambios a ter en conta para a declaración da Renda deste ano. A recuperación de Patrimonio ou a suba do IRPF son algunhas das novidades. Enlace á nova