Extel executará o ERE con 107 despidos na Coruña fronte aos 205 previstos inicialmente. A empresa asegura que todas as baixas son voluntarias. Máis información, hoxe en Praza.
Fálase
-
O novo ministro de Fomento pediu o pasado xullo unha investigación sobre o accidente de Angrois. Íñigo de la Serna deu "apoio expreso", como alcalde de Santander, a unha petición unánime secundada por todos os grupos municipais da capital cántabra. A investigación, que veñen esixindo as vítimas, foi considerada "absurda" e "miserable" polo PP no Congreso. [A partir do punto 4:26:00 da gravación].
Feijóo di estar satisfeito por que haxa un ministro de Fomento "do norte" tras a ausencia de cota do PPdeG no novo gabinete de Rajoy. Este departamento do Goberno de España tivo titular galego dende 2009.
Detida a alcaldesa catalá de Berga, acusada de delito electoral por non descolgar unha 'estelada'. Os Mossos d'Esquadra detiveron esta mañá a Montserrat Venturós, da CUP, logo de non comparecer dúas veces a declarar.
O xuíz dos ERE abre xuízo oral contra os ex-presidentes andaluces Chaves e Griñán. Anticorrupción pide seis anos de cadea para o primeiro e dez de inhabilitación para o segundo. Varios ex-conselleiros sentarán tamén no banco dos acusados.
O Ministerio de Cultura anula o Premio de Tradución ao incumprir as súas propias regras. Luis Baraiazarra traduciu ao éuscaro as obras de Santa Teresa pero o galardón só se concede a obras escritas en lingua estranxeira.
O Celta cae en Ámsterdam ante o Ajax (3-2) na Europa League. Así cantaron os 1.500 seareiros celestes en Holanda o himno galego ao final do partido.
Esta é a nova composición do Goberno de España. Os detalles, este serán en Praza.
O cinema Numax, GCiencia e o Festival Agrogay da Ulloa, candidatos ao Premio do Público no Culturgal 2016. As votacións están xa abertas na web da feira das industrias culturais.
O Supremo do Reino Unido ditamina que a activación do Brexit require a aprobación previa do Parlamento británico. Está a contalo The Guardian
