Nace en Catalunya a plataforma Junts a Europa para apoiar a conformación dunha candidatura catalanista unitaria nas vindeiras eleccións europeas.
Fálase
-
O presidente de Portugal veta o acordo PSD-PP para manter a maioría do Executivo de Passos Coelho e reclama un goberno de "salvación nacional", no que tamén se integre o Partido Socialista. Cóntao o xornal Público.
Pescanova ocultou de forma consciente un buraco de máis de 900 millóns de euros, segundo recolle a auditoría das súas contas. En El País.
Dende as 12 da mañá o presidente da Xunta participa, xunto ao lehendakari, o presidente asturiano e o ministro de Industria, nunha xuntanza en Bruxelas co comisario da competencia, Joaquín Almunia. A delegación tentará que a Comisión Europea reconsidere a súa decisión sobre a devolución do tax lease.
Stop Desafiuzamentos informa de que catro activistas máis foron ameazados con sancións por participar en diferentes mobilizacións, polo que son 17 xa os cidadáns multados nas últimas semanas. O colectivo chama a manifestarse contra a "criminalización dos movementos sociais" este xoves na Coruña.
O xuíz Ruz cita a Bárcenas e Pedro J. Ramírez para aclarar o financiamento ilegal do PP.
Anonymous ataca a web do PP de Pontevedra e converte a gaivota do partido non boitre, segundo informa La Voz de Galicia.
Unanimidade no Parlamento nunha declaración institucional contra a devolución das axudas do tax lease. O PP, non obstante, oponse a celebrar un pleno ao respecto. A información, este mediodía en Praza.
Cospedal amplía a súa demanda civil contra Bárcenas. Adiántase á publicación dun documento que confirmaría o cobro dunha comisión de 200.000 euros por parte da número dous do PP.
Sindicatos policiais cargan, entre múltiples faltas de ortografía, contra os xornalistas que informan sobre as persoas migrantes que tentan saltar a fronteira española en Melilla. Cóntao El Diario
