Pablo Crespo reitera que manexou cartos negros no PP galego e asegura manexar "recibís" de pagos en 'B' a "políticos, xornalistas ou asesores". Nunha entrevista en Público o suposto número 2 da Gürtel asegura tamén que non sabía que Marcial Dorado era narcotraficante e que todo o seu labor como secretario de organización do PP de Galicia era coñecido pola dirección do partido.
O Concello de Lalín perde un novo pleito contra a Deputación de Lugo polo uso da marca Km0. O Supremo desestima as reclamacións do goberno lalinense e obrígao a pagar as costas do proceso.
A Xunta formaliza por 580.000 euros o contrato da nova campaña publicitaria para animar a poboación a ter fillos. O Goberno ofrecía ata 600.000 euros por este servizo.
A UE fai algunhas concesións a Italia para rescatar migrantes mentres ACNUR cifra en 800 as persoas mortas fronte ás costas de Libia
Duplícase a poboación galega con máis de 10 propiedades inmobiliarias dende o inicio da crise. Cóntao Faro de Vigo
Enésimo corte na autovía A-8 na provincia de Lugo por mor da néboa. Os vehículos non poden circular dende a nove da pasada noite.
Os mariñeiros galegos aos que Noruega nega a pensión maniféstanse de novo en Compostela, reclaman a España que demande o país nórdico ante o TEDH e chaman ao boicot dos seus produtos. Os afectados reclaman a implicación da Xunta e de Feijóo, tras o desleixo que denuncian do Goberno galego.
O deputado do PSdeG e ex ministro Francisco Caamaño deixa o seu escano no Parlamento para regresar á actividade universitaria. A súa renuncia responde a motivos "persoais", vén de explicar en rolda de prensa.
Feijóo equipara a Podemos cos "fariseos" e a Albert Rivera, con Luís XIV. Fíxoo nun almorzo informativo en Madrid no que non estivo arroupado por dirixentes da cúpula do PP, segundo La Información
O tracking electoral de Radio Coruña abre a porta a unha coalición de esquerdas na cidade. A nova edición da sondaxe elaborada pola Facultade de Socioloxía dálle 11 edís a Negreira, 6 a PSOE e Marea Atlántica e 2 ao BNG e a Ciudadanos. Os populares suman un edil e a Marea, outro, mentres que baixan as expectativas de C's e Unión Coruñesa a respecto do anterior estudo.