Feijóo critica o Barça por “mesturar o deporte coa política” porque é de “réximes non democráticos”, en declaracións a Atresmedia durante as celebracións do aniversario da Constitución. Son numerosas as veces en que dirixentes do PP galego mesturaron deporte e política, como o actual presidente da Federación Galega de Fútbol, o ex-presidente pontevedrés Rafael Louzán.
Fálase
Xulio Ferreiro amosa a súa disposición a repetir como candidato da Marea Atlántica nas municipais de 2019. O alcalde da Coruña dío nunha entrevista na Cadena Ser e divúlgao na súa propia conta de Twitter. "Non hai alternativa ao goberno da Marea na Coruña", dicía hai uns meses nunha entrevista con Praza.gal.
A Audiencia Nacional condena aos doce membros do grupo de rap La Insurgencia, varios deles de orixe galega, por enxalzar os GRAPO. Ningún ten antecedentes pero a pena de dous anos e un día para cada un deles supón que poderían ingresar en prisión. Unha maxistrada do tribunal discrepa da condena: “Son críos chamando a atención”.
O Celta enfrontarase ao Barcelona nos oitavos de final da Copa do Rei. Xogará á ida en Balaídos e a volta no Camp Nou.
O Consejo de Transparencia obriga a Renfe a informar á CGT dos soldos dos seus directivos e persoal non suxeito a convenio, que o sindicato cuantifica en 900 dos 14.000 traballadores da empresa pública.
ÚLTIMA HORA | O xuíz Llarena retira as ordes europeas de detención contra Puigdemont e os consellers que están en Bruxelas
O Tribunal Supremo rexeita o recurso presentado por Lactalis contra a multa de 11,7 millóns de euros imposta por Competencia por pactar prezos e reparto do mercado con outras grandes marcas de produtos lácteos
18 colectivos levan ao Parlamento europeo, da man de Lidia Senra e de AGEe, a problemática da eucaliptización en Galicia. Este mércores e xoves reuniranse con eurodeputados/as e con representantes da Comisión, facendo fincapé na defensa do patrimonio natural e cultural galego
Pontevedra despide a Manolo Moldes con dous actos sinxelos, no cemiterio de San Mauro e no Teatro Principal, e envolto nunha obra colectiva realizada polos seus alumnos e alumnas de Belas Artes
Policías en Honduras néganse a reprimir as protestas que desafían o toque de queda decretado polo Goberno na crise polo reconto electoral. A oposición segue denunciando a fraude e esixe a contabilización das actas que foron descartadas