Vén de finar o xornalista e ensaísta Ramón Lugrís (Ferrol, 1932). Traballou en Londres como redactor da sección española da BBC e posteriormente en Nova York para a ONU. Nos seus anos mozos colaborou en La Noche e escribiu Vicente Risco na cultura galega. Nos últimos anos colaboraba con frecuencia co IGADI. Xulio Ríos destaca neste artigo que Lugrís era "un europeísta de verdade", unha "voz ignorada" que "non pode faltar en calquera aproximación ao galeguismo da posguerra".
Así se ve Galicia dende o espazo. O astronauta Scot Kelly amosa dende a Estación Espacial Internacional unha imaxe nocturna da península ibécira.
O TSXG confirma o procesamento da deputada do PP Marisol Piñeiro por presunta prevaricación no Concello de Carnota. O tribunal rexeita o seu recurso e o do exalcalde, José Oreiro. Máis información, esta tarde en Praza.
A xuíza De Lara envía a Aduanas ao Concello de Poio para recabar o expediente das obras de saneamento das obras do Camiño da Escola-Chancelas, realizadas en 2011. Segundo os investigadores, responsables da empresa Aquagest "concertáronse" para "manipular as condicións do contrato" e así quedar co mesmo.
A Fiscalía arquiva a denuncia contra Baltar por acoso sexual ao non atopar indicios de delito. Máis información, esta mañá en Praza.
O paro caeu en novembro en 27.071 persoas en España, ata un total de 4.149.298, pero só houbo 1.620 afiliacións máis á Seguridade Social. En Galicia, o desemprego creceu en 3.066 persoas, o segundo maior incremento de todo o Estado, ata as 225.158. O número de traballadores/as afiliados/as caeu en Galicia en 2.076.
Este martes entrou en vigor o novo sistema de tramitación das baixas laborais temporais, que incrementa o control que poden exercer as mutuas, que poderán dar altas, pero non en caso de enfermidade común.
O dominio galego en internet (.gal) celebra hoxe o seu primeiro aniversario, con preto de 3.000 nomes rexistrados. Hai un ano que o rexistro do .gal está aberto á cidadanía. No Culturgal a Asociación Puntogal presentará a súa colaboración con Rei Zentolo: unha serie de deseños que homenaxea á revista Nós e outra na que se utiliza o humor para darlle promoción ao dominio.
As axudas económicas aos combustibles fósiles, emisores de CO2, suman máis de 500.000 millóns de euros ao ano en todo o mundo, e multiplican por catro as subvencións ás renovables. España incrementou en 2015 nun 24% o uso do carbón nan produción de electricidade
O PP gañaría as eleccións con entre 98 e 102 escanos, superando por pouco a PSOE (82-86) e Ciudadanos (76-80), quedando Podemos e as confluencias algo máis atrás (52-56), segundo a sondaxe de GESOP para El Periódico
