O paro caeu en novembro en 27.071 persoas en España, ata un total de 4.149.298, pero só houbo 1.620 afiliacións máis á Seguridade Social. En Galicia, o desemprego creceu en 3.066 persoas, o segundo maior incremento de todo o Estado, ata as 225.158. O número de traballadores/as afiliados/as caeu en Galicia en 2.076.
Fálase
Este martes entrou en vigor o novo sistema de tramitación das baixas laborais temporais, que incrementa o control que poden exercer as mutuas, que poderán dar altas, pero non en caso de enfermidade común.
O dominio galego en internet (.gal) celebra hoxe o seu primeiro aniversario, con preto de 3.000 nomes rexistrados. Hai un ano que o rexistro do .gal está aberto á cidadanía. No Culturgal a Asociación Puntogal presentará a súa colaboración con Rei Zentolo: unha serie de deseños que homenaxea á revista Nós e outra na que se utiliza o humor para darlle promoción ao dominio.
As axudas económicas aos combustibles fósiles, emisores de CO2, suman máis de 500.000 millóns de euros ao ano en todo o mundo, e multiplican por catro as subvencións ás renovables. España incrementou en 2015 nun 24% o uso do carbón nan produción de electricidade
O PP gañaría as eleccións con entre 98 e 102 escanos, superando por pouco a PSOE (82-86) e Ciudadanos (76-80), quedando Podemos e as confluencias algo máis atrás (52-56), segundo a sondaxe de GESOP para El Periódico
En Comú Podem gañaría en votos as eleccións xerais en Catalunya, segundo a enquisa do GESOP. CDC afundiríase e ERC sería a segunda forza en porcentaxe. O PP non chegaría ao 9% de apoio.
A Coruña descobre a placa da rúa Álvaro Cebreiro, que substitúe á do General Mola.
Frankenstein-04155, o documental sobre o accidente de Angrois, gaña o Premio do Público de Cineuropa cun 9,53 de puntuación. A proxección do filme, dirixido por Aitor Rei, esgotou as entradas e ateigou o Teatro Principal compostelán (na imaxe) na súa proxección. Nesta entrevista en Praza o seu director, Aitor Rei, explicou o proceso de produción do seu traballo.
A Coruña descobre este martes a placa da nova rúa Álvaro Cebreiro, substituíndo a homenaxe ao golpista xeneral Mola en cumprimento da Lei de Memoria Histórica. No acto de lembranza ao ilustrador intervirán o debuxante Siro López e Pilar Cebreiro, sobriña do homenaxeado. O pasado outubro, o Concello suprimiu a praza de Millán Astray. (Na imaxe, unha caricatura de Cebreiro, por Ramón Torrado).
Racha outra tubaxe de augas fecais sobre as urxencias do Hospital de Vigo. É a segunda vez que acontece en apenas un mes