Os alcaldes galegos esixenlle a Facenda un salario mínimo de 40.000 euros anuais. A reforma local deixa o 60% dos rexedores cun sueldo de entre 14.000 e 21.000 euros
Fálase
Traballadores de RTVE denuncian publicidade encuberta de transxénicos en La 2. CGT sinala que o programa I+ ten como fin “a promoción de marcas” asociadas á axencia de comunicación KO, patrocinadora do espazo.
O PP quere aprazar a nova lei de desafiuzamentos por medo a que a sentenza que o Tribunal de Xustiza da Unión Europea ten previsto ditar o día 14 de marzo sobre a lexislación española anule a norma
A Plataforma Galega en defensa dos Servizos Públicos da que forman parte CIG; CCOO; UGT; CSI·F; CESM; OMEGA; SATSE; USAE; STEG; ANPE; USO; USTG; CGT; STAJ; SIAT; ACAIP, ten convocadas mobilizacións para este xoves ás 19:00 horas nas sete cidades galegas
PSdeG, BNG e AGE critican con dureza a intervención de Rajoy do debate de política xeral. A socialista Laura Seara salienta que “Rajoy esqueceu a Galicia no seu anuncio de axudas a parados, a pesar de ser a segunda comunidade na que máis aumentou o paro”. A nacionalista Olaia Fernández Davila denunciou o ton “triunfalista, exculpatorio e negativo para os intereses das persoas”. E AGE criticou o discurso “inhumano e insensible cos problemas da xente do común” centrado en salientar os beneficios dos recortes destinados a garantir a débeda pública e o déficit.
Rubalcaba pide reformar a lei electoral para "desbloquear as listas" e "abrir a Constitución" para "recoñecer a realidade estatutaria". Reclama tamén a suspensión dos "aspectos máis daniños" da reforma laboral durante o Debate sobre o Estado da Nación.
A sección sindical de CCOO dos Bombeiros de Madrid apoia os compañeiros da Coruña e anuncia que o corpo madrileño, ao igual que o de Cataluña, tampouco colaborará nos desafiuzamentos.
Pemex dá un respiro a Barreras ao ampliarlle o prazo para entregar os avais do flotel. Así o asegura o presidente do estaleiro, que anuncia que en breve se asinará ese acordo para conseguir máis tempo.
A Igrexa promove un concurso entre alumnado de colexios cofinanciados con fondos públicos baixo o lema El embrión humano, el más pequeño de los hermanos. Cóntao El Diario.
Rajoy pecha o seu discurso no Congreso concluíndo que "custou moita dor, pero o barco non afundiu”. Os grupos da oposición, dende a esquerda até CiU, responden con críticas ao seu "triunfalismo" e sinalan por exemplo que o plan de emprego xuvenil no que se investirán 1.000 millóns contrasta cos 4.000 millóns que se detraeron nos dous últimos Orzamentos Xerais para estas políticas.