Os dous candidatos á secretaría xeral do PSdeG, Gonzalo Caballero e Juan Díaz Villoslada, debaten publicamente esta tarde, a tres días da votación do vindeiro domingo. O debate estará dividido en modelo económico, modelo social e modelo de partido e poderá ser seguido por streaming na web das primarias.
Medio Rural dá por controlado o incendio que afectou ao parque do Xurés. Arderon unhas 20 hectáras, di a Consellería.
A Valedora do Pobo pide ao Concello de Gondomar que rotule en castelán os sinais de tráfico, conta Faro de Vigo. Faino despois de que a Garda Civil denunciase agora sinais en galego de hai unha década.
Convocadas cazoladas nas sete cidades galegas en solidariedade co pobo catalán e de repulsa ás ameazas de Felipe VI. A plataforma Galiza con Catalunya chama a saír á rúa nesta tardiña.
Urkullu ofrécese a Juncker para lograr unha "mediación europea" no conflito catalán. Pide que "a cirse catlá se inclúa na axenda do próximo Consello Europeo para propiciar unha solución dialogada".
O pleno para declarar a independencia de Catalunya será o vindeiro luns. Así o solicitaron JxSí e a CUP, segundo adianta La Vanguardia. No pleno comparecería Puigdemont para dar conta dos resultados do 1-O e explicaría os seus plans. Falta por decidir se haberá votación sobre a posible declaración.
“Doéme Cataluña, porque Galicia é España, e o que ocorre no conxunto de España sentímolo tamén en Galicia”. Así comeza Feijóo o Debate sobre o Estado da Autonomía.
A Audiencia Nacional cita como investigados por sedición e aos major dos Mossos d'Esquadra, Josep Lluis Trapero, e aos responsables da Assemblea Nacional Catalana e Ómnium Cultural. Avánzao o diario El Español
A ex-edil de Persoal de Xinzo e deputada provincial do PP atribúe os enchufes no Concello ao alcalde, que di que aprobaba as decisións sen lelas. Recólleo Faro de Vigo
O rei dirixirá unha mensaxe televisada sobre Catalunya ás 21:00 deste serán
