A caida do consumo eléctrico sitúase no 10% nestes momentos. Algo por debaixo dos últimos paros do 29S e do 29M.
Fálase
-
Canal Sur e Telemadrid suspenden a emisión pola folga xeral. A TVG advirte de que a súa programación pode verse afectada polo paro.
Paralizada a recollida de lixo na Coruña, en Vigo e no Consorcio das Mariñas, segundo informan os sindicatos. Imaxe de CIG.
Comeza a folga xeral, a segunda contra o Goberno de Mariano Rajoy e que en Galicia destaca pola unidade de acción dos tres principais sindicatos.
Poucos traballadores na entrada á quenda de noite en Citroën-Vigo, segundo informa a CIG.
O PP mantén que a seguridade de que Navantia e Barreras constrúan buques para Pemex é "máxima". Mentres, a multinacional mexicana confirma que os estaleiros galegos terán que competir con, cando menos, dúas empresas máis.
Feijóo ponse do lado de Ana Botella na competencia que mantén con Esperanza Aguirre. Preguntado sobre se Aguirre pode ser candidata á alcaldía de Madrid, Feijoo responde que Botella o está a facer "moi ben".
"Tratáronme peor que a un criminal", denuncia Mangouras respecto do trato sufrido tras a súa detención.
Mangouras denuncia que o rumbo marcado polo Goberno ao Prestige levábao "a unha tumba flotante e a afogarnos". "Crin que nos levaban a un porto refuxio, pero iamos cara a fóra en pleno temporal", asegura respecto da xestión da catástrofe durante o 15 de novembro de 2002.
"Se as autoridades españolas dixeran que era gratis o remolque do Ría de Vigo claro que o tería aceptado", aclara Mangouras, respecto das primeiras chamadas de socorro do Prestige hai hoxe dez anos.