O Goberno de Sánchez aprobará este venres por decreto a renovación de RTVE tras expirar o mandato da dirección designada polo PP e tras o pacto dos populares con Ciudadanos para controlaren a elección da nova cúpula. Cóntao eldiario.es. En 2012 o Executivo de Rajoy mudou a lei para controlar os medios públicos estatais.
Pedro Sánchez inicia o 25 de xuño co lehendakari Urkullu a súa rolda de entrevistas cos presidentes autonómicos sen data aínda para Feijóo. O 9 de xullo o segundo será o catalán Torra, pero a nota de prensa de Moncloa non detalla máis nomes. Este mércores Feijóo avanzou que a súa reunión será tamén en xullo, pero a data aínda está sen concretar.
A xuíza acusa de sedición e atentado e envía envía a prisión provisional a unha persoa pola súa presunta implicación nos incidentes na primeira protesta contra o desaloxo da antiga Comandancia de Obras da Coruña. Outra persoa foi detida este martes, pero quedou en liberdade. Está a contalo La Opinión
Sete persoas son finalmente as que aspiran a presidir o PP unha vez pechada a admisión de candidaturas ás dúas desta tarde: A ex-vicepresidenta Soraya Sáenz de Santamaría; a actual número 2 do partido, Dolores de Cospedal; o vicesecretario de Comunicación, Pablo Casado; o ex-ministro de Exteriores José Manuel García-Margallo; o secretario de Relacións Internacionais do partido, José Ramón García-Hernández; o ex-lider das Nuevas Generaciones valenciás José Luis Bayo; e un concelleiro de La Font de la Figuera (Valencia), Elio Cabanes.
O Concello de Santiago abre unha investigación a un axente da policía local por pedir subornos para outorgar licenzas, segundo está a contar Europa Press na súa web. O axente foi cambiado de destino e, se se confirman os indicios de delito, o Concello informará á Fiscalía.
Rajoy reincorpórase á súa praza de rexistrador da propiedade en Santa Pola (Alacant) máis de tres décadas despois. A súa anterior reincorporación a ese posto de traballo produciuse durante dous anos tras a caída do Goberno de Albor, no que exercía como vicepresidente. (Imaxe: Praza.gal)
Os Estados Unidos abandonan o Comité de Dereitos Humanos da ONU en pleno escándalo polo peche de menores de idade en gaiolas tras separalos das súas familias na fronteira sur dese país
O pleno de Ourense rexeita os orzamentos propostos polo goberno do PP, que continuará coas contas prorrogadas de 2014. A oposición esgrime un informe da intervención municipal para advertir de que o orzamento defendido polo alcalde, Jesús Vázquez, é "ilegal". Mentres, o rexedor acúsaos de pretender "fundir a cidade" e cualifica a votación de "inmoralidade".
A ex-ministra Dolores de Cospedal tamén anuncia a súa candidatura a dirixir o PP tras confirmar Feijóo que non competirá pola sucesión de Mariano Rajoy.
Soraya Sáenz de Santamaría confirma a súa candidatura ao liderado do PP tras a renuncia de Feijóo.