O pleno de Ourense rexeita os orzamentos propostos polo goberno do PP, que continuará coas contas prorrogadas de 2014. A oposición esgrime un informe da intervención municipal para advertir de que o orzamento defendido polo alcalde, Jesús Vázquez, é "ilegal". Mentres, o rexedor acúsaos de pretender "fundir a cidade" e cualifica a votación de "inmoralidade".
A ex-ministra Dolores de Cospedal tamén anuncia a súa candidatura a dirixir o PP tras confirmar Feijóo que non competirá pola sucesión de Mariano Rajoy.
Soraya Sáenz de Santamaría confirma a súa candidatura ao liderado do PP tras a renuncia de Feijóo.
María Teresa Fernández de la Vega substituirá a José Manuel Romay Beccaría na presidencia do Consello de Estado. A que fora vicepresidenta do Goberno de España con José Luis Rodríguez Zapatero será a primeira muller en ocupar ese posto.
Pedro Sánchez avanza a súa intención de esgotar a lexislatura estatal e convocar eleccións xerais en 2020. Avanzouno nunha entrevista en RTVE, a primeira dende que é presidente do Goberno central, que resume eldiario.es
Investigan un posible caso de violencia machista no Porriño, onde un matrimonio en trámites de divorcio foi atopado morto por disparos. A Garda Civil traballa coa hipótese máis probable de que o home asasinase a muller e despois se suicidase (Imaxe da Garda Civil).
Feijóo desvelará a última hora desta tarde o seu futuro político. O presidente convoca a xunta directiva do PP galego nun hotel de Santiago ás 20.00 horas.
Pablo Casado anuncia que optará a liderar o PP. O seu anuncio prodúcese mentres o partido agarda pola decisión de Feijóo.
Iñaki Urdangarín, cuñado do rei, entra no cárcere de Brieva (Ávila) para comezar a cumprir a súa condena polo caso Nóos.
Centos de persoas participan en Teo na andaina contra a planta de residuos prevista na Casalonga, un dos tres proxectos que arrodean Compostela e que son rexeitados maioritariamente pola veciñanza e a cidadanía. Foto de @BNGTeo.
