El Diario fai un repaso polas empresas que se beneficiaron do traballo dos máis de 400 mil republicanos forzados a traballar en beneficio da ditadura tras o remate da guerra civil, comezando por Huarte, Agromán ou Dragados y Construcciones. O tema é obxecto de investigación a través da querela arxentina instruída pola xuíza María Servini.
Fálase
As Marchas da Dignidade de Ferrol maniféstanse mañá diante da antiga porta do estaleiro "pola dignidade da comarca". Será a partir das sete da tarde.
Isabel García Tejerina, nova ministra de Agricultura en substitución de Miguel Arias Cañete, segundo adianta EFE. É a actual secretaria xeral do Ministerio.
Cidadáns galegos e portugueses realizaron unha manifestación conxunta este domingo, que partiu dende Arbo e Monçao, contra a construción dunha interconexión eléctrica de 400 kilovoltios. As dúas marchas confluíron na ponte internacional de Tui.
Máis dun milleiro de persoas participaron na sétima edición de A Pedaliña; vive Vigo en bici. Ao longo da fin de semana houbo actividades de todo tipo relacionadas coa bicicleta, até a marcha ciclista que percorreu as rúas da cidade este domingo
O colectivo Ciencia con Futuro pon en marcha a campaña Apadriña un científico para protestar polos recortes á investigación por parte do goberno de Rajoy.
A comisión científico-técnica creada tras o accidente do Alvia en Compostela recomenda a revisión urxente de toda a rede ferroviaria e 30 medidas concretas de seguridade no trazado. O informe esixe tamén comprobar os sinais e as normas.
O Celta B descende a Terceira División logo de empatar co Burgos (3-3). O Coruxo, pola contra, dá un paso de xigante para manterse na 2ªB tras vencer o Zamora (3-1), mentres que o Ourense empata coa Leonesa (1-1). A directiva do clube vermello dimitirá tal e como pedían os xogadores. Ademais, o Compostela caeu o sábado ante o Noja (2-1).
O Breogán cae con claridade ante o Burgos (94-54) no segundo partido das semifinais do play-off de ascenso á ACB.
O Somozas mantense no liderado da Terceira División malia empatar (0-0) co Barbadás. No resto da xornada: Dorneda 1-2 Fabril; Boiro 0-0 Pontevedra, Choco 4-2 Rápido de Bouzas; Arousa 2-0 Laracha; Ordes 3-0 Negreira; Racing Vilalbés 2-3 Alondras; Grixoa 0-0 Betanzos; Cultural 1-3 As Pontes; Bertamiráns 0-2 Cerceda.