Preséntase a mostra fotográfica O Vigo que [NON] sorrí, unha vintena de retratos de persoas residentes en varios barrios da cidade que buscan "visibilizar a exclusión social na que malviven milleiros de vigueses e viguesas". A iniciativa conta co apoio de varios colectivos sociais e responde a unha exposición patrocinada polo Concello que amosaba cidadáns sorrintes.
Nunha longa intervención ante o Consello Cidadán Estatal de Podemos Pablo Iglesias asume erros cometidos en Vistalegre 2 e Cataluña e apela ás orixes de Podemos e ao discurso de radicalidade social co que naceu a formación en 2014. Beiras advirte de que a "esquerda emerxente" pode acabar en "mal porto" se Podemos atende á "demoscopia"
Zaragoza acolle esta fin de semana o II Encontro Estatal para organizar a Folga Feminista do vindeiro 8 de marzo
A Xunta Electoral abre un expediente a ABC trala denuncia do PP pola entrevista a Arrimadas publicada na xornada de reflexión das eleccións catalás. A multa que o xornal debería pagar estará entre os 100 e os 1000 euros.
A gripe provocou 16 vítimas mortais en Galicia na última semana, 26 dende o inicio da tempada destas enfermidade. Só a metada estaban vacinadas. O 11 de xaneiro había "406 pacientes ingresados con gripe confirmada" en hospitais de Galicia, informa a Xunta
54 países africanos piden a Trump que se retracte das súas palabras sobre Haiti, El Salvador e algunhas nacións de África, dos que dixo nunha xuntanza que eran "países de merda", apostando por recibir inmigración "de países como Noruega"
Todos os grupos do pleno de Pontevedra agás o PP censuran que Rajoy defendese o militar golpista Salvador Moreno ao cuestionar que se retirase o seu nome a unha rúa da cidade. O voceiro popular, Jacobo Moreira, reduciu o comentario a un "chascarrillo". "Dejemos de hacer el parvo", reclamou durante o debate da moción, formulada polo BNG. Crónica de Pontevedra Viva
Miguel Anxo Fernán-Vello asume a portavocía de En Marea no Congreso durante este semestre. O deputado por Lugo comezou a exercer este venres o posto rotatorio que durante a lexislatura xa ocuparon Alexandra Fernández, Antón Gómez-Reino e Yolanda Díaz. Este era un dos acordos de funcionamento da formación, integrada no grupo parlamentario con Unidos Podemos en En Comú.
Así controla e limita a Fundación Franco o acceso a case 30.000 documentos oficiais dixitalizados grazas ao diñeiro público. Relátao o xornalista Carlos Hernández nesta reportaxe: Unha visita (obrigada) á Fundación Francisco Franco
O Supremo impide que Oriol Junqueras, Jordi Sànchez e Joaquim Forn saian da cadea para ir ao Parlament.
