En Euskadi e Navarra tamén hai folga xeral este mércores, convocada por ELA, LAB, CGT e CNT, entre outros sindicatos. O seguimento está sendo elevado en Guipúscoa e máis reducido en Alava, Biscaia, ou Navarra. O Goberno vasco fala dunha participación do 25% (40% en Guipúscoa), que os convocantes elevan considerablemente. Nestes momentos catro grandes manifestacións percorren as rúas das principais cidades.
Fálase
Grecia vive unha nova xornada de folga xeral, a primeira contra o novo goberno de coalición do conservador Antonis Samaras. Hai un forte despregue policial e xa se produciron as primeiras cargas contra os manifestantes.
O BNG anuncia o seu lema electoral: Para Facerlles Fronte, que terá un sublema: Gobernemos Nós a Nosa Terra
Compromiso por Galicia presenta en Vigo o seu lema para a campaña: A túa voz, salientando que “en tempos de detencións e imputacións é preciso recuperar a palabra como clave da política”. Tamén renova o seu logo.
Artur Mas convocará un referendum independentista en Catalunya aínda que non o acepte o Estado. "Se o Goberno non o autoriza, debe facerse igual", vén de dicir no Parlament.
Solicitan ao Senado de México un informe sobre o acordo entre Pemex e a Xunta. A senadora Lucero Saldaña pide ao Goberno azteca que aclare os motivos do investimento en Galicia logo de que "nin a empresa nin o Executivo informasen da operación", segundo informa Diario Cambio.
A Xunta estrea o sitio electoral coa información do proceso electoral que culminará o 21 de outubro: eleccions2012.xunta.es
A Coordinadora 25S ofrece unha rolda de prensa nestes momentos na que anuncia unha nova concentración nas proximidades do Congreso para as 19 horas desta tarde "ante a escalada de recortes anunciada polo Goberno". E tamén convoca unha manifestación o sábado ás 18 horas. Afirman que o Goberno é "ilexítimo" e piden a súa "destitución para acabar coa espiral de recortes e represión".
Mariñeiros galegos afectados polo veto ás capturas en Mauritania veñen de pecharse na sede da Deputación de Pontevedra, segundo confirma a CIG. Reclaman un novo acordo pesqueiro que lles permita regresar ás augas do país magrebí e protestan tamén polo atraso na concesión da axudas, dous meses despois de que tivesen que abandonar o caladoiro.
A policia detén a Fernando Varela, concelleiro de Deportes de Ourense polo BNG, no marco da operación Pokémon. Na pasada lexislatura era o responsable de Seguridade, Bombeiros e Policía Local