O PSOE ratifica a expulsión de Carlos Príncipe, exalcalde de Vigo, por "menoscabar" a imaxe do partido. O proceso víñase desenvolvendo dende hai máis de tres anos. Recólleo La Voz
Fálase
-
O ministro do Interior vólvelle conceder unha condecoración a unha Virxe mentres está pendente un ditame xudicial pola anterior. Cóntao eldiario.es
Unha testemuña protexida identifica os presuntos asasinos de Jimmy, o siareiro do Dépor falecido en Madrid tras unha agresión. Recólleo La Opinión
A familia dunha nena de 12 anos tenta que o Clínico de Santiago acceda a outorgarlle unha morte digna. A doente padece unha enfermidade irreversible e o Comité de Bioética está de acordo, pero o servizo de Pediatría do CHUS rexéitao. É unha historia que conta a Cadena SER.
Barreras construirá un buque xemelgo do Reforma Pemex, segundo anunciou a petroleira mexicana tras a botadura dun dos buques encargados pola empresa azteca.
Íñigo Errejón asegura que Podemos perdeu votos en Catalunya por non priorizar a súa marca. O número dous do partido di que os malos resultados reafírmanos na súa idea de manter a súa denominación. "Iso reafírmanos nunha cousa: o nome de Podemos ten que figurar claramente na papeleta", dixo.
O PP accede a aprobar unha iniciativa do BNG para pedir a transferencia da AP-9. Faino apenas dous meses despois de rexeitar esta reclamación no Congreso dos Deputados e tras prometelo no seu programa electoral
A Deputación de Lugo celebra o que, previsiblemente, será o derradeiro pleno presidido polo PP. O alcalde de Becerreá, Manuel Martínez, di que "cando volvan as cousas ao seu sitio, se volven", explicará por que mudou de postura a respecto da moción de censura presentada a pasada semana e que, agás sorpresas, lle devolverá o goberno a PSdeG e BNG. Cóntao El Progreso
Marea.gal aproba "a cooperación práctica en prol da maior confluencia posible" con Iniciativa pola Unión pero sen integrarse nunha única plataforma. O acordo saíu adiante por 239 votos fronte a 183 que apostaron pola "integración inmediata nunha soa organización". Máis información, hoxe en Praza.
O PP veta a tramitación no Parlamento da ILP para a difusión da obra de Castelao. A iniciativa lexislativa popular viña avalada por máis de 11.000 sinaturas e foi apoiada pola oposición. O texto, defendido no pleno por Pilar García Negro, pódese consultar nesta ligazón
