Estudantes maniféstanse no inicio do curso universitario. Convocados polos Comités e a Liga Estudantil, protestan contra a suba das taxas ou a precarización do ensino público no acto que se celebra na Coruña e ao que asiste Feijóo. Imaxe de @CIGEnsino
O sector 'duro' do PP reclámalle a Aznar que desautorice publicamente a Rajoy pola súa política a respecto dos presos de ETA. Cóntao a Cadena SER.
O BCE advirte que imporá "duras condicións" para comprar débeda dos estados. O representante alemán no instituto emisor, Jörg Asmussen, avisa: "Só se poden comprar bonos se o país afectado se somete a duras condicións para acometer reformas".
A Unión Europea reduciu un 2,5% as súas emisións de gases de efecto invernadoiro en 2011 a pesar do maior consumo de carbón e o aumento do PIB, segundo as estimacións que acaba de publicar a Axencia Ambiental Europea.
A patronal pide a Rajoy que decida sobre o rescate "o máis pronto posible" porque "o tempo corre". O vicepresidente da CEOE, Arturo Fernández, advirte que España está "case en suspensión de pagos".
Núñez Feijóo insinúa que reducirá deputados no Parlamento se gaña as eleccións e móstrase de acordo coa proposta de Cospedal de limitar o salario dos parlamentarios autonómicos. Nunha entrevista en Radio Voz, o presidente da Xunta anuncia que Rajoy estará na campaña galega.
Catalunya xa ten alternativa a Eurovegas: a empresa brasileira Veremontes construírá un gran complexo turístíco e de negocíos nun terreos de La Caíxa xunto a Port Aventura. Terá seís parques temátícos e Artur Mas promete que dará traballo a 20 mil persoas.
España pedirá o rescate a primeiros de outubro por un valor de 300.000 millóns, segundo varios medios e expertos europeos. Coincidiría en plena campaña das eleccións galegas.
O Estado prepara unha nova taxa para o mercado da Bolsa. O Ministerio de Facenda traballa nun imposto que afectará as operacións bolsistas, seguindo os pasos de Francia.
IU soña con ser Syriza e alzarse coa hexemonía da esquerda, segundo Público. A X Asemblea Federal da formación, que se celebrará en decembro, quere tecer alianzas políticas e sociais con colectivos, sindicatos e forzas políticas para participar na "rebelión democrática" contra o neoliberalismo. A ponencia politca propón unha forza de maiorías, un novo proceso constituínte e a loita pola república
