Os traballadores da Xunta trasladan as protestas contra a lei de recortes ao interior de San Caetano. Celébranse concentracións tamén noutras sedes da Xunta, tanto en Santiago como noutros puntos de Galicia.
Fálase
-
O PPdeG tenta matizar, a través de Twitter e a preguntas dunha cidadá, a polémica creada pola súa deputada Ángeles Díaz, que alertou dunha suposta proliferación de "infeccións" polo uso do aborto e da pílula postcoital como "anticonceptivos" a causa do "desgoberno socialista". Así o contamos en Praza.
Esta mañá os sindicatos convocan novas concentracións de empregados públicos contra a lei de recortes aprobada pola Xunta. Comezan ás 11 en VIgo e ás 11:30 na Coruña e Santiago, nas dependencias oficiais da Xunta.
A Deputación de Ourense asegura que o "grupo industrial chinés Yingyou Lianyungang" ten interese "no proxecto de construción en Ourense dunha planta de fabricación de coches eléctricos da empresa Xero"
O Costa Allegra, cruceiro da mesma compañía que o malogrado Costa Concordia e que sufriu problemas técnicos a 200 millas das Seychelles, xa chegou a porto. O buque quedou sen enerxía e sen motores en plena travesía. Tivo que ser remolcado. Información da BBC
A Lei Sinde-Wert é desde este 1 de marzo unha realidade. A Comisión de Propiedade Intelectual pode comezar hoxe a pechar webs. En La Información.
O primeiro secretario do PSC, Pere Navarro, aposta por un modelo de pacto fiscal "federal" para Catalunya. En Vilaweb.
Esta fin de semana celébrase en Arzúa a Festa do Queixo, cunha programación completa con concertos de todos os estilos (de Treixadura a We are Standard), obradoiros e pasarrúas. Descarga aquí o especial do xornal Crónicas da Comarca dedicado á festa.
O sábado 3 ten lugar en Curtis a homenaxe a Carlos Seoane, concelleiro do BNG falecido o pasado mes de outubro. Contará coas actuacións de Mini e Mero, Leira Buxo ou Celso Parada.
En Madrid celébrase este domingo unha consulta popular sobre a privatización do Canal de Isabel II. Nesta páxina pódese consultar a localización das ducias de mesas de votación repartidas por toda a cidade.